終於等到Halloween來寫這個食譜。 原因係呢個芝士蘑菇焗牛肉南瓜蓉， 賣相好肉酸，做左幾次影嘅相都唔見得人， 但卻好好味道，而且做法又零失敗，小朋友最啱食， 所以一直都想分享食譜， 趁萬聖節周圍都見到暗黑料理， 我就來推介這個吧。 除左芝士、蘑菇，牛肉，南瓜， 還有椰菜花，所以食落唔會太 “滯”， 要焗，我家沒有焗爐，用airfryer一樣得。   <萬聖節南瓜小食杯：芝士蘑菇焗牛肉南瓜蓉> 材料（2小杯份量）： 南瓜仔1/4個去核去皮切件 免治牛肉2湯匙 啡蘑菇1隻切粒 椰菜花2-4瓣略切碎 (先浸水半小時再洗淨) 車打芝士碎20g(今次即時做，所以用了片裝芝士代替)       做法： 先用一茶匙粟粉及少許胡椒粉醃牛肉 （如細小的小朋友食可以剔除胡椒粉）     南瓜隔水蒸熟，瀝乾水放入大碗中搗成蓉。       加入牛肉，蘑菇，椰菜花及芝士拌勻。 因為芝士有濃味道， 所以我沒有再加鹽或調味。       勺適量搓成球，放入焗杯中。     以airfryer的200度焗10分鐘便可。       南瓜蓉比薯蓉軟滑多水， 所以焗後唔會過乾, 口感恰到好處， 加入蘑菇粒及椰菜花粒會帶出些許爽口感覺， 再配芝士的咸香混為一體， 加上做法太易, 我亦經常用它來做Bella的下午茶, 小朋友的最佳小食~         ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss