副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[食譜] 氣炸拔絲芋仔

3. 半碗白砂糖倒入平底鑊中, 盅量鋪平一點, 然後待糖自動溶化 (過程不要搞拌) 

中秋節芋仔當造, 老公很喜歡白烚吃, 但我就覺得味道太寡; 芋頭除了用來炆雞炆鴨外, 其實做甜品也十分適合, 今次試下整 <氣炸拔絲芋仔> ​ 依D就係芋仔, 佢相比起荔芋滑身, 無咁乾身, 烚熟吃也很順滑, 只在中秋前後才能在街市找到. ​ 做法:  1. 芋仔去皮切小塊, 加入少許鹽和油拌勻 ​2. 放入蒸爐以氣炸模式用180度焗20分鐘 (以氣炸鍋亦可) , 如家中沒有氣炸鍋, 可放油鑊以中慢火炸至8成熟, 撈起; 待1分鐘, 再放入鑊炸30秒, 撈起瀝乾多餘油份. ​ 用氣炸後的芋頭亦可保持外皮香脆, 肉質粉糯.  ​ 3. 半碗白砂糖倒入平底鑊中, 盅量鋪平一點, 然後待糖自動溶化 (過程不要搞拌)  ​ 4. 待糖溶化成液體後, 用摌子輕輕攪拌, 轉慢火煮至顏色變焦糖色.  ​ ​ 5. 取少許於碗中, 用來做拉絲時用. ​ 6 放下芋仔兜炒至糖膠包裹芋頭件, 即可上碟. ​ 7. 取4-5隻筷子, 點起備用的焦糖, 已可明顯看到拉絲 ​ 8. 快手繞在芋仔上, 造出拔絲裝飾, 重覆多次至足夠為止即成. ​ 做好的拔絲芋仔要趁熱吃, 凍了會變硬, 影響口感. ​ 小貼士:  - 煮焦糖時切勿過度搞拌, 否則會變成反沙芋的糖霜! 要待糖完全溶化後才攪拌.  - 焦糖十分容易燒焦, 因此一定要用細火, 並一路觀察焦糖顏色和稀杰度.  - 用作拉絲的焦糖離火後隔一會才能做出拉絲, 但放涼了則變硬; 如天氣冷太快變涼, 可隔熱水座溶放微波爐叮20秒, 便可再次拉出糖絲. - 同時可做拔絲香蕉, 蘋果等, 但水果含水份多, 要先包上生粉炸香才可以做, 以免中途出水影響成品.    聯絡合作和活動: email: sherice_hy@yahoo.com.hk Facebook: Mini Bubble Corner   ❤Blogspot❤ ❤The Ztyle❤ ❤She.com❤ ❤wordpress❤ ❤weshare❤ ❤Pixnet❤ ❤Beauty Exchange❤ ❤mamibuy❤  ❤Oh!爸媽❤ ❤ 親子日常❤ ❤sundaykiss❤ ❤esdlife❤  ❤chef-diary❤ ❤OpenRice❤