副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

坐月要識補!孕媽咪必知坐月進程!

今次分享吓我哋聽客人講返的坐月經驗啦,一直有好多客人會問我哋一出院係咪可以大補?可以食補嘢?到底咩時候應該食咩嘢?四大長老無端端煲咗一大煲補品又唔知飲唔飲得?以下為大家一一解釋,希望大家都有個正確的坐

今次分享吓我哋聽客人講返的坐月經驗啦,一直有好多客人會問我哋一出院係咪可以大補?可以食補嘢?到底咩時候應該食咩嘢?四大長老無端端煲咗一大煲補品又唔知飲唔飲得?以下為大家一一解釋,希望大家都有個正確的坐月觀念,坐個好月呀! 坐月要坐多久? 坐月指生BB 24小時後開始,而大多數會坐月28天(即一個月),有部分會坐三個月,有部分會坐更耐,當然大前提要睇返自己的預算同時間夠唔夠啦!全期坐月要盡量驅風,唔好掂生水,唔好凍親,另外都建議少食多餐,少油少鹽少調味為主。如果坐月同時要餵母乳的媽咪,就要避免食回奶食物,好似:麥芽、韭菜、白蘿蔔,豆豉等等;餵母乳媽咪都要小心選擇進食花膠及海參等有機會塞奶的食物呀!   坐月第一步:休養調理期,約產後第一星期 坐月媽咪經過辛苦的分娩過程,體力都耗盡,不過生B後第一步唔係補身,而係等身體慢慢恢復,傷口癒合同排清惡露先開始進補;頭五日煮食上最緊要清淡同易消化為主,有D媽咪經歷長時間陣痛無嘢落肚,腸胃會比較敏感,所以飲食清淡後等身體適應就最好啦! 早餐飲食建議:小米肉碎粥、肉絲配通粉或米粉等 午飯及晚飯飲食建議:小米飯、五更飯等 主菜飲食建議:蟲草花蒸肉餅、山藥炒肉片及蒸魚等 甜品飲食建議:芝麻糊、紅糖桑寄生蛋茶等 飲食忌食:薑、肥膩食物、動物肝臟、煎炸食物、生冷食物,含咖啡因食物或飲品   坐月第二步:平補期開始,傷口修復,約產後第二星期 腸胃開始適應日常進食後,各位坐月媽咪可以開始平補啦!雖然有個補字,不過都未到大補嫁,現階段要平補同清淡為主,今次修復期主要清理坐月媽咪體內瘀血,加強修復骨盆子宮,仲有袪濕為主。 早餐飲食建議:陳皮養胃肉片粥、肉絲配通粉或米粉等 午飯及晚飯飲食建議:五更飯、黑米飯等 主菜飲食建議:金針雲耳蒸雞、鎮江排骨及蒸魚等 甜品飲食建議:紅糖茯苓薑糖茶、杏仁蛋白露等 飲食忌食:肥膩食物、煎炸食物、生冷食物,含咖啡因食物或飲品   坐月第三步:溫補期開始,約產後第三星期 經過休養調理期同平補期之後,建議大家先睇睇中醫師同惡露情況再安排之後的食療,第三階段開始可以適量飲用養生滋補湯水或者藥膳! 早餐飲食建議:牛肉三色米粥、肉絲配通粉或米粉等 午飯及晚飯飲食建議:紅米燕麥飯、藜麥飯等 主菜飲食建議:栗子紅腰豆炆雞、淮山紅棗蒸雞等 甜品飲食建議:雪梨乾薑南北杏糖水、紫米露等 飲食忌食:肥膩食物、煎炸食物、生冷食物,含咖啡因食物或飲品   坐月第四步:大補期開始,約產後第四星期 經過上面三星期調理後,到依個時候坐月媽咪的身體恢復到穏定狀態,不過都要留意返惡露情況再睇睇係咪開始大補呀,而惡露清好的坐月媽咪就可以開始大補,補氣血同強筋骨啦! 早餐飲食建議:小米南瓜三色米粥、山藥雞蓉粥等 午飯及晚飯飲食建議:三色米飯、藜麥飯等 主菜飲食建議:黨參紅棗杞子蒸桂花魚、紅棗貓耳朵蒸滑雞等 甜品飲食建議:銀耳杞子蛋白糖水、鮮奶杞子燉花膠等 飲食忌食:肥膩食物、煎炸食物、生冷食物,含咖啡因食物或飲品   坐月湯水選擇對於餵唔餵母乳,順產或者開刀的媽咪都有好大分別,所以詳細建議大家要先搵中醫作診斷再飲用湯水呀,想簡單處理好自己的坐月食療同飲食,大家都可以搵個幫手嫁!祝大家有個健康快樂的坐月時刻!!   其他坐月文章分享: 坐月要識補!孕媽咪必知坐月進程! 精明坐月小貼士!上門煮餐VS外送月子餐?! 坐月坐得好,原來有好多好處?!坐月好處大公開! 教你做好神隊友的角色,讓太太坐月坐得好,渡過舒服的時刻!   **以上坐月營養及進補資訊只供參考,想知更多可自行諮詢醫生或營養師意見**   星級分享黃長興夫婦體驗月子餐 星級分享陳麗麗小姐體驗Part1 星級分享陳麗麗小姐體驗Part2 星級分享沈可欣小姐體驗 星級分享莫家淦夫婦體驗   祖祖媽 - 「祖祖媽月子私房菜」創辦人  香港首家上門煮餐專家-坐月、小月、孕養、好孕、陪月、催乳 專頁即時查詢:http://m.me/JJMA.COM  Whatsapp查詢: https://wa.me/85261301277 入圍2019香港最受歡迎品牌名單 l香港註冊中醫藥零售商 「我們靠口碑及好評、提供最優質服務及最新鮮食材!」