Facebook專頁：Timtam仔的成長日誌      話咁快妹妹已經就快100日大喇！之前係滿月的時候去健康院磅重，妹妹由出生的6.4磅到滿月有9.1磅，姑娘話體重增長理想，媽媽我咁多個無眠的夜晚，餵奶掃風換片無限Loop，聽到呢句說話之後，再辛苦都值得！   當我不知天昏地暗地餵奶換片時，妹妹就已經悄悄長大！最鍾意咬佢的手仔腳仔都大隻左，當媽媽的就是如此矛盾，既想子女快點長大，又唔想佢地大得太快，想將每一個美好時刻都留住。     想起Timtam仔初生時我有兩件事後悔沒有做到，一是影初生BB相，二是整初生手腳印。第一胎時咩都唔識，產前只留意到BB出世後需要的產品及坐月問題，產後又忙到一頭煙，到可以稍作整頓自己的時候，已經係滿月的時候喇！就咁錯過咗影初生嘅最佳時候。個時媽媽谷開始有媽媽分享BB的初生照和手腳模成品，真係好靚好得意！我就好後悔自己冇幫Timtam仔整啦！     所以今次係我懷孕時一知道左預產期，就搵定影初生相同整手腳印的公司，因為今次將會係我最後一次懷孕喇！最後一次機會我不容有失！媽媽谷裡都有分享大家搵到的攝影師，最終我選擇左呢間 Photography for Little People!     選擇呢間之前其實都有其他心水選擇，最後選左呢間，主要原因係佢地可以同時影初生BB相再加整手腳印，同一日做埋就唔洗煩啦！初生相同手腳印會放係同一相框內，一次過就滿足我兩個心願！而且佢地係上門服務，我啱啱生完BB，呢個一定係最舒適又安全的選擇！   開頭見呢間公司係英國公司，以為價錢會好貴，但原來都係一般市價。而且佢地做手印的材料都係由英國直送嘅有機物質，減低對初生BB柔嫩肌膚造成刺激，呢樣真係好重要！萬一因爲我亂買劣質物料而令妹妹皮膚敏感，要錢睇醫生是其次，會令妹妹因此而受苦就一定心痛死我！所以我覺得搵有信譽的公司幫手係值得的！     當日佢地有一位女攝影師和女助手上門，原來攝影師都係一位媽媽，所以佢照顧BB時特別細心，會明白到媽媽的顧慮。每影一個造型前都會先同我講解，令我感覺到好安心。而且當日的造型都係之前溝通個時就已經揀好，唔洗影相個時再三心二意。     宜家望住妹妹大咗的手腳仔，就好懷念佢初生時的樣子，慶幸自己今次終於完滿了心願，珍貴的初生片段也將永久保留。到佢地都大個，用佢地的大手拖住我皺曬皮的手時，也許佢地不會記得這片段！但這個永遠屬於我和爸爸的回憶，還有我們一份滿滿的愛，會永遠鎖在這個相框之中！     如果大家都想幫BB留下珍貴回憶，可以去Photography for Little People Hong Kong Facebook嘅專頁了解更多產品同服務。 Facebook: https://www.facebook.com/bbphotohk/ #初生BB #初生攝影 #手腳印 #珍貴時刻  #photographyforlittlepeople #女攝影師 #媽媽kol #親子blogger #媽媽blogger