副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【非一般食譜 – 鹹蝦燦味道日誌】

 

之前搵食譜時睇過 John Rocha嘅 YouTube 頻道「鹹蝦燦 The Hamharchaan」, 好認同佢隨心煮呢個入廚理念。 雖然我煮嘢食唔叻,但好享受煮嘅過程,鍾意睇住屋企人食我煮嘅嘢,就算有時失手整咗地獄料理,佢地都會支持 (同取笑) 。 最近 John 出咗本新書《鹹蝦燦味道日誌》, 我就帶吃貨湜弟去新書發佈會了解更多呢本書嘅理念。 原來《鹹蝦燦味道日誌》唔係食譜咁簡單,而係John將過去一年遊歷時遇到嘅人同事,化為煮食靈感,做成唔同菜式,由輕食、湯、環球主菜到甜品都有。我更欣賞有啲食譜係平日生活常見嘅菜式變奏,例如:紅白湯,而且夠簡單易明。       發佈會中,John仲即席整咗一個好啱 party / metime 嘅小食 - 吞拿魚釀蛋/餅,簡單易整又得體。       我已經將《鹹蝦燦味道日誌》帶咗返屋企,一邊用想像感受 John 嘅旅行經歷,一邊試煮菜式用味蕾扮去旅行。       試煮咗「即食麵炒蛋」,平時食即食麵唔係水煮就撈丁,炒蛋呢個食法夠特別,最重要係簡單,連爸爸都讚好。如果雞蛋炒得夠滑,真係做到多重口感,下次再試。 湜澄媽誠意將《鹹蝦燦味道日誌》推介比鍾意旅行/美食嘅各位,無論你係唔係媽媽,都會喺書中搵到樂趣。 i《鹹蝦燦味道日誌》 喺 #誠品 用 $250 就可以帶佢返屋企。  如果你想先了解John Rocha多啲,可以睇下佢以下平台,或者,你都會迷上佢嘅內在同美食。 ~~ John Rocha ~~ Facebook page: http://facebook.com/eufoodjourney IG : https://www.instagram.com/eurasianfoodjourney YouTube : 鹹蝦燦 The Hamharchaan https://www.youtube.com/channel/UCsSqiM2aDxYKXqxCT_b3Y1Q