副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

呻文~~唔識行不是我的錯。

其實菠蘿包媽好想呻好耐。。每次出街見到d三姑六婆,路人甲乙丙師奶呀太真係唔太想同佢地講野。奈何佢地好鐘意同我傾計。。。。離不開呢條問題,問菠蘿包幾多個月。。之後就會話:一歲幾啦,識行啦!?菠蘿包媽:仲

其實菠蘿包媽好想呻好耐。。 每次出街見到d三姑六婆,路人甲乙丙師奶呀太真係唔太想同佢地講野。 奈何佢地好鐘意同我傾計。。。。 離不開呢條問題, 問菠蘿包幾多個月。。 之後就會話:一歲幾啦,識行啦!? 菠蘿包媽:仲未識行呀~醫生話佢個頭大個身支撐唔到。 佢地就會化身為專家就話:緊係你陀佢個陣唔知食過d咩啦!/緊係你陀佢個陣無食鈣片啦!/緊係你陀緊佢個陣無似骨湯啦!/緊係你唔比佢行啦!/緊係你無比佢練習啦!/緊係無用骨頭 淆湯煲粥仔啦!(刪下100個緊係) 然後解釋哂比佢地聽都係唔明。。 真係好想講:旁觀者不得依牙聳䚗! 每次聽到呢d野個心都好唔舒服, 其實可以張呢d說話轉為打氣加油好嗎? 菠蘿包見到同年齡既朋友仔個個都識行識走, 佢見到好想放手行,但係真係做唔到, 幾次差d掉落地下。。。 見到佢渴望想自己行既眼神,呀媽我真係好心酸心痛。。 咩都幫唔到佢,咩都做唔到。。。 做呀媽既只可以默默同佢做多d訓練。 其實講呢d出口傷人既說話可能係講者無心但係聽者有意。。 但真係好想好想呻下, 唉。。。。。。 真係好希望有一日菠蘿包可以放開雙手自由自在咁行路。