副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

新手媽媽二三事: 如何選擇母乳袋?

https://www.facebook.com/AnnieLeeDiet/

做了幾年泵媽, 對母乳儲存頗有一點師奶心得. 市面上母乳袋 (奶袋) 唔算好多, 不過母乳滴滴辛苦珍貴, 自己個B飲晒好地地, 如果係因為奶袋穿咗或唔小心倒瀉咗, 真係會立即崩潰. 試過一次, 買咗個平嘅薄嘅奶袋 (其實新手媽媽, 無比較過, 又真係好難知咩係厚咩係薄), 放入冰格無事, 到要攞出來, 痴住隔離嗰包, 穿咗少少唔知, 到坐暖包奶, 一路溶冰一路漏奶, 嘩好似界開我大動脈放血嘅感覺. 所以唔好太過貪平, 平均 $2-3 一個是正常價錢. 但亦唔需要買太貴, 因為只用一次, 如果幾蚊一個, 長期用, 唔太化算. 第二唔好揀太細或不規則形狀 – 記得第一胎買奶袋只係人買我買, 見細細個幾得意買; 有個好似葫蘆款覺得倒出來好似幾方便又買. 終於個奶袋太少容量每次要用兩個, 而葫蘆形亦好浪費空間, 冰格只能放幾包. 所以平實最重要. 最好是長方形, 8安士是標準容量 (但建議唔好入滿, 變冰後會澎漲少許, 太滿會令奶袋易破), 仲要有雙重密封 Double Zip. 另外亦要用防水的筆寫低日期, 份量 (建議每次都是同一份量, 之後每餐較易安排), 記得要平放. 每次飲最久前的奶 (平時冰格最多只能放三個月). 母乳滴滴珍貴, 所有儲存冷藏, 最好自己一手一腳跟番, 如果唔係有咩閃失, 真係會想打人. #呢包應該係我母乳最後階段的物資 #最後一包 #我送給自己的小小記念品 https://www.facebook.com/AnnieLeeDiet/ #營養師 #Nutritionist #AnnieLee