副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【包媽孕記】做媽媽原來連生病權利都沒有……

生BB之前已經有心理準備,整個世界都不再一樣,所有心思都同BB緊扣住。放假唔會再瞓到自然醒,再無得自由自在放工出去同朋友食飯,唱K睇戲去旅行?諗下好啦……

生BB之前已經有心理準備,整個世界都不再一樣,所有心思都同BB緊扣住。放假唔會再瞓到自然醒,再無得自由自在放工出去同朋友食飯,唱K睇戲去旅行?諗下好啦…… 包媽好少喺網上放負,呢幾日真係比較低氣壓,因為氣管炎病咗,一呼吸就會咳,呢兩晚係完全無瞓過覺,然後今朝睇第5次醫生,拎完藥再繼續返工、泵奶……不停咳完又咳,把聲MAN過0靚昆,個人暈到一個點,比著以前當然睇完醫生,乖乖地食藥瞓返兩日就好。但做咗媽媽原來連病嘅權利都無…… 更多分享 請follow FB Page: 雲妮手札 https://www.facebook.com/winnie810corner/ 喺屋企要全天候要戴口罩,要一路咳一路噴消毒噴霧,繼續陪阿仔玩幫佢換片沖涼,到佢瞓覺要做家務清潔玩具直到深夜先有得休息。就算有人幫手湊,夠鐘都谷奶要起身泵,病咗又會奶量大跌,見到泵出嚟嘅量就好大壓力>.< 今朝已經睇第5次醫生,連醫生都搖晒頭話「真係病得好重喎你今次……」其實醫生有試探問要唔要停一兩日人奶轉強D嘅藥,但,母乳媽媽總係有種莫明堅持,病緊可以經由人奶俾更多抗體BB,令佢更強壯,所以我戴住口罩堅持繼續埋身。亦因為繼續餵奶,藥力不能太強,只能靠意志力撐落去…… 本來以為生BB已經係打大佬,原來病住湊BB唔知幾時好仲更加煎熬。但再辛苦都會撐落去,或許呢D就係天生嘅母愛力量。向天下所有媽媽致敬,大家都辛苦了~一齊加油﹗ #屋企有BB病真係要戴口罩? #成家不停互相傳染辛苦嘅還是媽媽? #邊個病都係媽媽最攰 #人奶媽媽的堅持   如果有任何問題,歡迎隨時到FB Page雲妮手札留言 =) ************************************************ 包媽雲妮有多重身份:新手孕媽,娛樂小編,主播,活動主持…… BabyKingdom駐場Blogger 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/