副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

<濕疹/汗疹肌>嬰兒皮膚用品保養日常(純分享)

不經不覺秋冬已經來臨,乾燥既天氣開始明顯。

不經不覺秋冬已經來臨,乾燥既天氣開始明顯。 只要BB有濕疹/汗疹,各媽媽都會感到非常頭痕,見到BB左一撻右一撻時都感到心痛。好多媽媽都會選擇天然既護膚品比BB用,滋油媽我都唔例外。 以下係我幫陳皮梅既皮膚護理經驗,大家可以參考一下,希望可以幫到各位媽媽。 陳皮梅皮膚唔屬於天生麗質既BB,6個月左右,有次又大爆紅疹,初時諗住又係汗疹,用返之前醫生開既藥膏,通常幾日就會好轉,但今次成2個星期都未好,同埋發覺徵狀同之前有少少唔同,除左起紅之外,身體/面部/頸既皮膚好乾,起紅同出粒粒,有時阿女隻手會去抓,然後帶佢去睇醫生,醫生話係濕疹,因為陳皮梅太細,唔建議用類固醇,同埋好彩佢濕疹位置無損/流水,如果有傷口就一定要用類固醇啦!所以先用cream 補濕。 無論咩時候皮膚最緊要補濕,無時無刻都要幫佢擦cream。一乾就要再補擦,以下係我用過既產品分享   首先先講用左一般既產品 1. A cream(俗稱:冷霜Aqueous Cream) (用後感:有濕疹唔好用) 私家醫生開比陳皮梅,可以擦身沖涼兩用,效果一般,用左皮膚都係乾,後黎我上網睇,原來英國政府一早出咗公告,講明 Aqueous Cream唔應該用喺濕疹人士身上,大部份A Cream 都內含SLS(Sodium laureth sulfate),化學野,用左有呢種成份既A Cream有機會越黎越痕或惡化,但又有好多私家診所/醫院都會開A Cream比有濕疹既人用,因為成本平。我馬上睇返阿女支A Cream, 的確含有SLS,於事我馬上停用。發現時已經用左大半支,好彩無話越用越衰,但無咩好轉。 2.Mustela - Stelatopia系列特強補脂潤膚膏 (用後感:不過不失,對乾燥肌膚有少少改善) 還可以吧,擦左之後係比一般既cream既補濕較果較為持久,用左係有層保護膜喺皮膚表面有助鎖水,用左一段時間喺改善乾燥方面比之前好啲啲,但都係keep住密密補,退紅方面好啲啲,無咁紅,可以話用左唔會令你更嚴重,但又唔係有好大改善。 3.Mustela - Stelatopia系列沐浴油 (用後感:同一般babyoil差唔多,比較油,唔會再用) 其實我唔太鍾意佢既油膩感,同埋香味都幾勁,不過應該係用呢層油保護皮膚,用完既沐浴盤都要再清洗多一兩次先乾淨,所以用左一兩次無再用。因為怕阻塞毛孔同有礙護膚品吸收。 以下係用完有效果&依家keep住用緊既產品 1.Avene活泉水 由陳皮梅出世開始,我都係用Avene活泉水幫佢抹面,由佢剛出世生BB痤瘡已經有用,有需要時會幫佢敷面,有助退紅,又可以舒緩濕疹痕癢,敷5分鐘左右,再擦cream之前滋油媽我皮膚過敏既時候都係用佢。 2.QV Baby bath oil 天氣乾燥開始用bath oil同陳皮梅沖涼,呢隻bath oil唔錯,佢一啲都唔油,倒一蓋oil落水就可以,無香味,倒左落水時,啲oil 會乳化與水混合(變奶白色),所以一啲都唔油膩,又唔怕阻塞毛孔,洗完皮膚清爽得黎唔會乾,BB浸5-10分鐘就可以。 3.QV Baby Moisturizing Cream 都係成份工然無香抖,用左一段時間,可以改善阿女既乾燥皮膚,擦身擦面都係用佢,一樽搞掂,有時皮膚有啲紅,用佢退得好快。接觸性皮炎/濕疹/過敏都可以用。啱啱出世時生既BB痤瘡都係用佢。 結論 坦白講幫陳皮梅試過幾個既牌子,QV用喺佢身上係最有效果,而且無香料,感覺又天然啲,中途試過其他牌子,最後都係回歸QV懷抱,無論乾燥/敏感/濕疹用左效果都唔錯。 追蹤陳皮梅FACEBOOK https://www.facebook.com/ChenPiMei2019/