副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

<TG催淚彈影響>想多一步,呢個行為都叫「太緊張」?

最近幾個月社會問題嚴重,TG(催淚彈)問題其實都會困擾我地呢啲家中有BB既媽媽,無論是否生處於該嚴重地區,TG帶黎既影響都會波及到所有人。

最近幾個月社會問題嚴重,TG(催淚彈)問題其實都會困擾我地呢啲家中有BB既媽媽,無論是否生處於該嚴重地區,TG帶黎既影響都會波及到所有人。 今日我竟然比我母親大人話我「太緊張,放鬆啲」 睇完呢句說話(Whatsapp) ,我真係感到莫名其妙&附加怒氣,係邊個令我緊張提防?同埋我係有理由去緊張......   事源於沉日我媽同我講佢今日休息,想上黎屋企探乖孫,探乖孫當然無問題啦!佢話上黎前會去搵朋友拎啲野,拎完再上黎。 然後到左今日,佢同我講話去完尖沙咀再過黎。我聽完「尖沙咀」呢個地方,我就同阿媽講,尖沙咀係高危地,如果想探乖孫,安全起見,最好沖完涼換過套衫先見佢(我地住得近)。 你唔會知道咩時候黏到TG既殘留物,因為二噁英會黐落塵粒或任何固體/液體,塵粒最後沉落地面或物件表面,最少10年先分解一半。 即是話你出面禁粒制或衣物帶有該地方既塵粒,然後抱一抱個BB,BB 既皮膚接觸到你身上衣物既塵粒,就有機會中招,我係大人無問題,有咩唔舒服都識講識搵野擦,但係如果家中有BB/小朋友因此中招,引起一啲過敏.....辛苦既會係邊個? 唔係話因為話你出去嗰區都無事,而覺得被你接觸到既BB/小朋友都會無事,亦都唔係話你唔帶個BB去嗰一區,就會無問題,每個人體質都唔一樣,正因為小朋友/BB唔識避免,我地更加要做返個盡責既大人/父母,唔可以自私只諗自己,要做多少少去保護家中小孩。 難度我有所提防都唔應該?真係我太緊張? 原本上星期陳皮梅都要去旺角做抽血檢查,正因為該區嗰期不停玩TG, 我都要將個檢查無了期推遲。 最後保護家中小孩係我地父母既責任,佢地年紀細,適當既保護係需要的,是否所謂「過度保護」請大家好好區分,別人/家人唔好隨便批評,一家人更加需要去理解。有時諗多一步,有啲野係可以避免。無謂等問題發生左,先黎後悔點解當初唔做。 追蹤陳皮梅FACEBOOK  http://www.facebook.com/ChenPiMei2019/