副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙成長報告: 兩歲啦!兩歲啦! 報告一下

本身應該生日出post 寫blog, 但拖到生完日一個月後, 豆沙媽媽真係好忙!  大家好,我係豆沙沙,介紹番 年齡:就嚟25個月大,更正就23個月大 身高: 搞到門鎖的高度 體重: 終於過咗包8kg 金象米,繼續要見營養師,但同一年前比,食野情況有改善 近況:有鼻水同兩聲咳,超級扭計,病咗又絕食 嗜好:最鐘意自己唱happy birthday to you,一開心就唱,出街唱,公園唱,沖涼唱,瞓著都唱 同埋自己突然大嗌香港人加油,係百佳嗌,係商場嗌,係窗邊嗌 笑點:自已叫完爸爸個名自己笑,或者媽咪叫「呀臻」佢又笑一餐 語言:50%溝通能力,有啲BB火星話,好似鸚鵡咁跟人口水尾講野 技能:開始識模仿,識由一數到十,兩腳跳技能未解鎖,但行到最後一級就自己跳,跌過都唔知驚 最喜歡的食物:星星餅,燒雞翼肉,有袋鼠樣的yogurt 最討厭的食物:肉 最喜愛的玩具:爸爸媽媽部手提電腦個keyboard,仲有除晒淇淇(佢個公仔)啲衫,幫佢沖涼,換片同痾https://static.xx.fbcdn.net/images/emoji.php/v9/t44/1/16/1f4a9.png");">(長期無衫著) 最喜愛的活動:喪跑(一邊跑一邊自己嗌「跑呀,跑呀」),去超市shopping,去日本 行動力:兩手執住????裡面的欄杆,雙腳離地自已fling 每日挑戰:除背心,除被,除褸,除睡袋,仲有婆婆媽媽爸爸的底線 最喜歡的顏色:紫色 近期閱讀:誰也不敢靠近生氣的西蒙 最驚驚:裝修電鑽聲,行雷,toyrus隻大恐龍 最好的朋友:屁屁,每日朝早就講:屁屁落咗去啦(公園). 問親佢去邊,都答:屁屁到 最近學識的term:好慘呀,無陰公呀 兩歲識講好多野,又識唱歌 繼續早晚埋身飲人奶,間中夜晚唔飲都ok 兩歲 終於甩咗 小兒外科 同 職業治療科,不過加咗眼科 職業治療師話我地發展唔用更正計都超咗兩個月,超額完成正式畢業,媽咪終於放心晒 不過仲有幾科複診繼續跟進,touch wood 都唔係critical 歲半已經提前進入trouble two 一個非常堅持的bb係trouble two只會更堅持 想當日佢係NICU 堅持喊足三個鐘唔停,我地同護士都無佢符,就知會有呢日 兩歲,進入半人獸狀態,50%溝通能力 communicable 就好好多 識答要唔要,識講No No No, 脾氣超大 起碼靠估都估到佢想點 多得多年拍葉生玩Pictionary 的經驗