副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽實用文: 早產check list 1 : 心理篇

如果你 BB 早產有咩要即刻做

如果你 BB 早產有咩要即刻做   1. 心理篇 照顧好自己情緒 作為父母, 首先要照顧好自己 情緒, 身體健康 坐好月先 可以照顧到BB 因爲Bb係醫院住只係暫時性,終有一日佢係會出院番屋企   BB 係nicu 有護士照顧,其實已經係對佢最好的環境, 一個護士睇兩個b ,有儀器監察住,人同機器 兩樣一齊24 hours 睇住,有咩事隨時有醫生嚟睇,反而仲安全過係屋企. 臨出院 反而仲擔心   搵專業人仕幫手 如果覺得自已情緒好差,記得同醫護人員講,醫院有得轉介見醫生,威院有一科 係 初生母親心理健康科,精神科醫生同你傾下計,會有社工跟進,每次傾完個人都會舒服啲,而且可以開藥去幫助舒緩,但餵人奶係唔食得, 或者 佢可以因應你的情況開病假,等媽媽可以多啲時間處理就嚟或者己經出咗院的早產bb,呢個幫到我好多   適當發洩情緒 豆沙入咗nicu訓箱, 豆沙媽媽見一次就喊一次,未行到個箱就已經喊定先,日日以淚洗面. 直到有一日爸爸講其實 我喊嚟 都幫佢唔到,而且如果豆沙沙聽到我喊,佢可能會泄氣, 佢又喊埋一份咁點算,跟住之後豆沙媽媽就喊少咗,喊完個人感覺舒服啲就收聲,因為知道喊嚟都無用 豆沙係箱入面都無喊,我做人呀媽又點可以喊呢   喊係其中一個發洩情緒的方法,但喊完就要企番起身,同自己講要堅強,陪BB打嬴呢場仗. 當BB 好努力係箱入面同死神搏鬥,做媽咪的係佢最好的啦啦隊隊長,要同佢加油,同bb講加油,佢地會知道的   唔駛自責 當bb早產,早產媽媽會好自責,甚至其他人都可能會怪罪個媽媽。其實個媽媽一定係全世界最緊張bb嗰個。如果遇見早產媽媽,唔好問幾重,唔好問幾時出院,記得同早產媽媽講聲加油,話俾佢知道佢同BB已經好努力,一定會好快就出到院,咁樣已經好足夠。產後的媽媽,尤其係早產的媽媽,情緒係好脆弱,可能就係你無心的一句一把推咗佢落深淵。   豆沙媽媽個時成日問點解豆沙沙會早產,點解係要揀中豆沙, 點解個天要咁對我同豆沙,甚至覺得係自己唔啱,帶豆沙嚟到呢個世界受苦,係自己害咗豆沙   早產並不能控制 我陀住同臨生之前醫生都有安慰我,早產並唔係媽媽想,媽媽應該係全世界最唔想bb早產個一個 醫生話無媽媽會想bb早產,但就算媽媽幾小心,幾健康,早產都係媽媽預計唔到的事 媽媽並唔需要自責同內疚,並唔係媽媽害到BB早產 媽媽己經盡咗最好大努力,唔到最難一刻,都唔會想BB 提早出世   所有野都係係BB自己揀 醫生話所有BB 都好叻,尤其早產bb ,佢地感覺係胎盤入面唔對路,就自己識閃人,整呢整路俾singal 醫生,自己話事提早出嚟呢個世界 其實所有野都係bb自己揀,自己揀嚟做我地的B.B.,自已揀 幾時出世,自己揀係醫院住幾耐 威院的母親心理科醫生都有同我講 B.B. 唔會怪你咁早生佢嚟,害佢要訓箱咁辛苦,其實掉番轉 B.B. 會多謝你 無放棄佢,為佢作最合適的決定,付予佢生命,帶佢嚟到呢個世界 就好似豆沙媽媽唔會怪豆沙婆婆帶佢嚟呢個世界,錫佢都嚟唔切 同醫生傾完,豆沙媽好感覺好好多,感覺就釋懷了,無再日日以淚洗面   要記住雨過一定會天清, 唔會落足年雨 不論早產與否,都要珍惜每一刻同BB的相處,不要錯過BB的成長 BB的成長只有一次,無得take two!  http://www.facebook.com/vislyip 豆沙的小小page,懶媽媽不定期,但心血來潮就會更新 :P