包包嘅百日宴早前圓滿落幕啦﹗正值香港風雨飄搖之際，晚宴當晚都遇上旺角封站賓客提早離場，好在事先安排妥當，大家都早到場影咗好多靚相，好快就收齊相可以分享啦~ 攝影師： 首先要有咁多靚相，最功不可沒當然歸功攝影師﹗ 由於好多親友都想分享喜悅，百日宴預計開8至10圍，為免影漏相包媽都希望請返專業攝影師，幫忙記錄重要時刻。 市面上平起上嚟真係可以幾百蚊都有，但質素當然要將就返啦，亦有媽媽GP朋友仔請個中價位但收相反晒光，真係呢…… 湊仔真係好忙無咁多心力好似結婚時不停搵不停比較，最快方法就係 --- 搵返BIG DAY攝影公司咪得囉﹗﹗當日攝影師勁準時到場，自動自覺幫我影DECO、餐前小食嘅相，中間我入咗新娘房餵奶都無偷懶，幫手影低好多花絮照，仲有好多一家三口合照 唔係企定定架，好似婚禮SNAP SHOT咁，好溫馨好靚呀~ 仲捕捉到包包好多得意表情動作，連全晚得一下突然吹口水波都影到~~ 真心勁推介﹗ 更多分享 請follow FB Page: 雲妮手札 https://www.facebook.com/winnie810corner/ 餐前小食及蛋糕： 無論婚禮定百日宴，都會有賓客提早到場麻將耍樂，而百日宴大部分都係長輩老人家，candy corner太潮太甜唔多適合。包爸包媽婚禮時都係整咗個印尼糕點corner 鹹甜點都有仲要唔貴又好味，賓客一入門口就圍住張檯食唔停口，顏色豐富又夠特別，絕對一見難忘﹗ 而蛋糕方面包爸包媽本身好唔鍾意糖皮蛋糕，想搵好食又靚嘅款式，唔使太大唔好太貴，始終都係主要用嚟影相，最終喺IG SHOP訂咗呢款雙層蛋糕 6吋加4吋夠24人食，加埋朱古力牌八百蚊鬆啲，內餡揀咗士多啤梨味，好好食呀~ DECO： 百日宴同婚禮一樣，志在同親朋好友見面影相，本身如果圍數再多啲13圍以上，A場有返B&W結婚時個中空蝴蝶牆，DECO呢PART就唔整架啦。不過我地最終開8圍用B場，所以包媽都要諗諗計。 咁啱婚禮時嘅花藝師開拓DECO市場，一拍即合搵佢幫包包佈置。包爸包媽真係零藝術細胞，SEND咗啲網上百日宴圖片，揀埋主題顏色俾佢，好快就畫咗設計圖俾我地過目﹗好靚呀﹗汽球半拱門+裝住汽球嘅BABY盒 夾住座位表及相片嘅ARCH 仲有蛋糕檯、POSTER架、糕點檯都有一致嘅佈置 親友都話好有心思，小朋友見到更加興奮﹗ 更多分享 請follow FB Page: 雲妮手札 https://www.facebook.com/winnie810corner/ 場地： 早在2月BB展已經落訂，因為包爸包媽一早決定返回婚禮場地舉行百日宴，即係旺角迎潮﹗ 無論地點(雅蘭中心MTR旁)、食物(好食到大家咁趕都清碟兼爭相打包)、價錢(三千幾全包無加一)，有送印埋BB相嘅POSTER、席珍(即MEAU)，仲有回禮盒仔，最簡單入紅雞蛋已經好得體﹗甜品除左紅豆沙湯圓仲有MINIION公仔流沙包，好SURPRISE呀﹗ 特別鳴謝經理JENNY跟得好足，知道好多賓客擔心安全問題，百日宴前幾日都KEEP住同我UPDATE酒樓入夜後情況以及應對措施。 其他場地資料睇呢篇啦： 【B&W手札】Vendor Review 99分旺角區小資婚宴場地~迎潮   如果有任何問題，歡迎隨時到FB Page雲妮手札留言 =) ************************************************ 包媽雲妮有多重身份：新手孕媽，娛樂小編，主播，活動主持…… BabyKingdom駐場Blogger 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/