副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【實用走佬袋Checklist】入院用品+BB&媽媽出院衣服

32. BB:底衫/和尚袍 + 羊毛底衫(冬天出世用), 夾衣 + 帽仔 + 襪仔 + 手物 + 包被仔 

黎到懷孕後期, BB 用品已經準備好哂了~ 之後最重要就係要準備好入院用品 "走佬袋" 喇! 聽好多媽媽講都一早執定好, 因為怕BB會早出世, 有咩動靜就方便隨時走佬 (早D執係岩架)~~ 但我就遲遲都未去執, 到38週先開始執, 大家就唔好學我呀!! (因為定左38週2開刀, 好有信心地覺得唔會早出黎 HAHA) 提提大家: 私家醫院同政府醫院兩者會提供的用品有不同的, 簡單來講私家醫院係會提供比較多~(所以大家入院前記得問定醫院, 避免有帶漏的情況) 而MATT豬媽媽係法國醫院會提供用品: 產婦衛生巾X2包, 網褲X4條, 床墊X4張, 沖洗瓶X1個 另外BB住院期間所有用品都會提供(只需準備BB出院衣物) 以下係我既走佬袋CHECKLIST (4-5日入院用品): **代表政府醫院要自傋   1. 衛生巾 L X 1包, M X 1包 - 法國醫院會提供但都自備2包 **(政府醫院需自備) 2. 沖洗瓶 X 1個 - 法國醫院提供  **(政府醫院需自備) 3. 網褲 x 1包 - 法國醫院提供但都自備1包 **(政府醫院需自備) 4. 乳墊 X 10對 5. 床墊 X 1包 6. 人奶袋 (其實無咁快用到, 但執定左幾個HAHA) 7. BB初生尿片 X 1包, 純水濕紙巾 X 1包 **(政府醫院需自備) 8. 束腹帶 X 1 (如開刀後適用, 令傷口無咁痛) 9. 餵奶胸圍 1-2個 10. 開胸睡衣 X 1套 (私家醫院先可著自己睡衣) 11. 沐浴露 (如會係醫院沖涼可帶定) 12. 暖杯 X 1個 13. 炒米茶包 X 20包 (4-5日用早晚各1包, 視乎住院日數) 14. 抺身&面 毛巾 各1 (細細條就可以) 15. 牙膏牙刷 16. 漱口杯 **(政府醫院需自備) 17. 基本護膚品 (洗面膏, 爽膚水,面霜,精華, 潤唇膏) 18. 橡筋+頭cool (方便餵奶時用) 19. 拖鞋 + 長襪 (生完一定要著襪避免入風) 20. 純水濕紙巾 X 1包  21. 紙巾 1-2包 (卷裝或盒裝) 22. 女性濕紙巾 x 5包  23. 乳頭膏 X 1支  24. 口罩 (準備定比自己&家人抱BB用) 25, 消毒液 X 1支   26. 膠盆仔 X1個 (裝熟水抺面/抺身用, 視乎自己需要) 27. 薑水 (家人會每日帶去醫院用黎抺身, 洗手, 視乎自己需要的) 28. 電話差電器 (留意有D政府醫院只可用手提充電器, 即尿袋) 個人證件:  29. 自己身份證 + 老公身份證 (如老公唔係一齊入院影定副本) 30. 入院文件 (私家醫院按金收據, 產前報告, 醫生信) 31. 銀包, 八達通, 電話 出院衣服 (BB & 媽媽) - 出院當日家人先帶去醫院:  32. BB:底衫/和尚袍 + 羊毛底衫(冬天出世用), 夾衣 + 帽仔 + 襪仔 + 手物 + 包被仔  33. 媽媽:鬆身長褲&衫,長褸,長襪,冷帽&頸巾 (避免入風),易著既鞋(唔洗駁帶最好) 以上係住院4-5日既用品數量, 如果順產媽媽住院日數較短就自己減小數量呀~ 希望提供資料可以幫到大家, 生產順順利利呀~~~!   謝謝收睇喔 期待下一次同大家分享更多產後經歷! 歡迎FOLLOW INSTAGRAM / FACEBOOK 交流更多懷孕/育兒心德~ 以上純粹本人意見, 沒有廣告成份的~ 大家可以自行評估適合/不適合喔~~(如有問題, 歡迎PM我) MATT豬媽媽日常生活可關注: INSTAGRAM / FACEBOOK 歡迎產品試用/邀犒合作/活動邀請: EMAIL chuimei_chung@yahoo.com.hk