副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽內心小劇場: 關於人奶的迷思

做咗人奶媽就嚟19個月,發現世人對人奶好多誤解,有時好嬲又好笑

做咗人奶媽就嚟19個月,發現世人對人奶好多誤解,有時好嬲又好笑 希望寫低呢篇,大家對餵人奶認識多d,對母乳媽媽多d體諒   1.餵人奶唔係開水喉,唔係一開就有 仲記得豆沙啱啱出院,我埋完身就去泵清佢 豆沙疑似掹長期,埋完身一個鐘我啱啱泵完無耐佢就喊餓,豆沙爸爸叫我再埋身,埋都要有奶先得ga! 人奶係要時間造出嚟的,唔該!  核突啲講句,要你儲夠500ml小便,你飲完水都要啲時間先去到廁所啦 (其實有個再核突啲的比喻,不過唔寫啦,會變兒童不宜)   2. 人奶係個胸入面係唔留得ga 啱啱放完產假,成日趕唔到七點餵豆沙,放工番到屋企已經8點,個胸谷到滴出嚟,但豆沙就7點樽餵飲飽飽 唯有泵完出嚟先食晚飯 豆沙婆婆就叫得唔好泵 留番10點半11點 埋身餵下一餐 如果八點谷到滴都唔泵出嚟,個胸就以為你唔駛餵呢次奶,試多一兩日, 佢就自動做少啲再少啲,就會愈嚟愈少 奶係唔留得係個胸入面,一留佢就以為你夠,一夠咪少囉 定時定侯埋身或泵出嚟好緊要,人奶最重要係keep 住佢個 milk flow ,一直出 就一直做   3. 人奶係唔可以煮滾,無得靠煮滾去消毒殺菌 人奶係唔可以煮滾,人奶係唔可以煮滾,人奶係唔可以煮滾 重要事情要講三次 你屋企飲杯水都要煲滾消毒殺菌先飲,人奶係唔會 人奶處理要絕對衛生 因為人奶係唔會煲滾到100度 人奶只可以隔水55度坐熱  所以泵出嚟要絕對乾淨,所有人奶會接觸到的奶樽,parts, 奶袋都要好乾淨 泵奶的地方也要衛生 唔好叫泵奶媽係殘廁泵奶 就好似正常人唔會係殘廁到整野食 一樣道理 埋身都一樣, 你會係殘廁食早餐嗎?   4. 餵人奶唔代表一定慳到錢 泵媽定埋身媽 餵人奶 大部分都要食 supplement materna Blackmores 卵磷脂 鈣 湯水白飯都飲多d,食多d 而泵 媽的投資仲多 : 奶泵 無限個無限個無限個奶袋 蒸機 洗奶樽液 冰袋 密實袋 奶泵parts 暖奶器 密實盒 一切 泵奶相關產品 餵奶bra 乳墊 仲有 new born 飲人奶 係幾多餐奶 幾多餐 啲片用得超快,一日八餐就起碼八條片 計埋計埋條數 其實 可能 同飲奶粉成本 差唔遠 (我無認真計過)   5.人奶唔遲得 人生最痛其中一樣係塞奶,塞過你就會明  奶夠鐘就要泵 要餵 遲少少 出唔切嚟 就可能變塞奶 塞奶 係 超級 極爆 好 _ 痛 發高燒 痛不特止 有可能塞到 出唔到 即係裡面 變乳線炎  嚴重者會含膿 要入醫院開刀做手術 你無睇錯,係要開刀! touch wood 豆沙媽媽未試過. 同埋塞咗就無奶餵b = 呀b生餓,真係個胸又痛,個心又痛   6. 奶粉並唔可以100% 取代人奶 "餵唔到人奶咪餵奶粉囉" 好多人都聽過呢句 呢個世界係有啲b 係 唔食奶粉 呢! 本人好榮幸係其中一個的媽咪 "餓到佢死咪食囉" 好多人都聽過呢句 又當個B餓兩餐都唔食時,跌出生長線,見緊營養師, 咁點呢 我地試咗5隻牌字的奶粉,仲試埋豆奶粉,鮮奶,盒裝奶咩都試過晒, 佢唔飲就係唔飲   7. 餵人奶其實係要有策略的 餵人奶其實都有好多選擇,埋身,冰奶,雪奶 豆沙一開始係醫院係全杯餵冰奶,兩餐埋身 出院就全埋身,1-2樽餵冰奶 到番工就早晚3次埋身,其他樽餵冰奶 點知CNY放10日假,全埋身,跟住豆沙突然唔識用奶樽飲奶,試咗成個星期先試得番用樽餵 跟住豆沙媽媽竟然忘記咗呢個教訓,今年CNY放假又全埋身 跟住豆沙只肯埋身,冰奶雪奶都唔肯飲,點試都無用 故事話俾你知: 餵人奶並唔係媽媽想點就點,有時行錯一步就番唔到轉頭   8. 人奶唔係水喉,你話閂就閂  人奶閂都一樣, 唔係話閂就閂, 要由一日四泵 變 三泵 變兩泵 一泵 , 再兩日一泵 三日一泵  如果 即收 一係飲中藥 試古方 但聽聞影響個胸型 一係 就收得唔好 谷奶谷到變乳線炎, 去番第5個point   9. 唔餵人奶有10萬個原因,但一定唔係你諗緊口個個 有時唔餵人奶就好似罪人咁, D人會好多說話 餵人奶係一件簡單事,亦係一件複雜的事 可以有好多原因, eg :媽咪唔夠奶 / BB唔識埋身 / BB唔食雪奶,冰奶 / 屋企無support / 無時間 / 大壓力 / 公司唔容許 / 媽媽身體差/ 奶奶反對餵人奶 etc  每人選擇唔同, 媽媽只會為BB做 媽媽覺得對 媽媽自己同 對 BB最好的決定 旁人永遠唔會比媽媽更清楚BB的需要 小D負面說話已經係支持母乳餵哺的第一步   生署衛呢個講餵人奶的漫畫畫得好好, 大家可以睇, 對餵人奶多D認識 https://www.fhs.gov.hk/tc_chi/health_info/child/30018.pdf http://www.facebook.com/vislyip 豆沙的小小page,懶媽媽不定期,但心血來潮就會更新 :P 全人奶18個月大的豆沙BB   <br />