副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽實用文: 點為之早產

其實點為之早產?  一般懷孕係40週, 早產的定義是妊娠期不足37weeks, 唔夠37週出世就已經叫早產

其實點為之早產?  一般懷孕係40週, 早產的定義是妊娠期不足37weeks, 唔夠37週出世就已經叫早產 早產睇資料講有分三個階段:  早期早產:少於32weeks 中期早產: 32-34weeks 晚期早產: 34-36weeks   豆沙BB啱啱好責界32weeks 2 days,入到中期 早產可以有好多原因但係又可以冇原因,真係煮到埋嚟你就食,唔擔心得咁多. 反而放鬆心情係其中一個方法可以防止早產   BB早得愈多出世就會相對比較多問題 豆沙出世時得32weeks2days 要直入NICU 威院產前診斷個高級顧問醫生係照到我宮頸短,唔俾我出院時有講過 一般夠30週 的BB,度出嚟有 over 1 kg 就己經問題唔大,1 kg 係個bottom line, 有咩事要開刀拎出嚟都盡量希望等到個b 有1kg重先, 醫學上個存活率夠1kg 的話已經好高 照到宮頸短嗰時,豆沙得800幾g 唔夠1kg, 大約27weeks,所以佢好緊張唔俾我出院,即刻安排我打強肺針保住豆沙個肺 後來我哋係NICU見到嘅媽媽,佢地ge BB 好多都係30週都唔夠或者只係30週only 有32 週的豆沙相對地已經變咗做大B 其實過咗34週已經相對地好安全,所以媽媽們真係唔需要咁擔心,尤其係嗰啲只不過係35/36/37週出世的B.B. 當然B.B. 緊係stay 愈耐愈好,唔好逾期居留就得 豆沙雖然有32週大,但佢個size細咗人哋一個月有多,其實實際只有28週大, 而且佢出世真係啱啱好過1kg,得1.167g (呢一世都記得的數字) 所以我哋超級擔心. 收完水得番1070g... 不過開刀時,醫生都有安慰我,概然我己經盡咗力食,但都係唔長胎,係呀女曳咁都無辦法,唔關呀媽事 概然子宮唔適合B.B.,咁就不如早啲拎佢出嚟係箱養,安全啲,同埋會大得快過係子宮入面 另外,跟據香港法例,要夠24週,法例上先會當胎兒係人, 呢個亦係點解要24週前照結構的原因之一, 而夠24週先可以入產科病房, 24週前入婦科病房 而如果BB早過24週出世,大部份醫院都會放棄救治,除咗有宗教背景的醫院,豆沙媽媽知道的一間係聯合 另外,無救到的24週前出世BB,今年四月前係會被當醫療廢物處理, 而今年四月,政府成立咗永愛園,安葬未滿24周的流產BB 而又講, 對於24週前出世的BB,好多野都未develop 好, 就算救到,條路都唔容易,救定唔救係好難做決定 生命可以好無常,做唔做到仔女真係睇緣份,無得強求 仲記得豆沙婆婆講過: 你陀得就要有心理準備會無咗,睇佢自己做化,你做得人呀媽就要受得起呢D風浪 24週係第一個min pay, 之後係30週, 過咗就放心好多, 可以望住37週做目標, 去到40週就緊係最好啦! 加油呀,媽媽們!   <br />