今次黑面媽嘅旅遊介紹，係要請埋你去呀！前排我哋一家四口去咗深圳觀瀾湖酒店玩咗兩日一夜，成日聽人講好值得帶小朋友去，原來真係好正㗎！ 觀瀾湖酒店係分為東莞酒店同深圳酒店2邊，我地今次就住深圳係親子套房啦！有藍色男仔房同粉紅公主女仔房！之後我哋去觀瀾湖好出名嘅「觀瀾湖大地生態藝術園」放電，園內有小童遊樂場、機動遊樂場、休閒娛樂區等，園區有好多環保藝術雕塑，雕塑以廢舊物品為材料製造，好值得參觀！ 另外，我哋亦去咗「手藝工場」做陶瓷，包包整咗隻碟，仲畫咗佢同細佬個樣。 「觀瀾湖新城」係區內嘅大型商場，有得shopping，飲飲食食，我哋仲去埋「莫莉幻想親子園」，其實場內仲有「酷跑卡丁車」、「保齡球」同「溜冰場」，絕對一日都玩唔晒咖！ 下次一定要再嚟！