副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

走佬袋仲需要啲咩?

想share多啲分娩前嘅準備,請俾個like以下Facebook 頁, 一齊傾下:)

《公立醫院順產走佬袋》 今日終於去到足月既階段 幾懶既我都要執下個走佬袋^^' 坊間有好多走佬袋清單參考 我就唔係度詳細講太多 但建議可根據自己係入住公立醫院/私家醫院/順產/剖腹產去準備 唔同既公立醫院網上都有「住院期間必須攜帶嘅日用品」清單比產婦參考 總結自己第一胎既公立醫院順產經驗 個人認為以下物品十分重要 :) 1. 差電尿袋兩個 公立醫院係無得用插頭差電架 所以要自己準備尿袋就唔怕與世隔絕 記得要準備兩個,等屋企人探訪時替換 2. 耳筒 + 眼罩 我係一個極難入睡既人 公立醫院夜晚燈火通明人來人往 如果唔想知道隔離床開咗幾度準備入產房 入院聽胎心監察心跳摸肚甚至慘叫 公立醫院唔夠7點會叫醒你探熱同送早餐 晏醒既你可以戴耳筒聽歌帶眼罩恰下 3. 計時手錶 其實入得醫院唔係見紅穿水都會不斷陣痛 個人唔舒服心情囉囉攣點會訓得好丫 我印象特別深刻成晚拎住部電話check陣痛次數時間 如果尿袋唔係有好多電,絕對需要帶着手錶數陣痛次數 4. 膠袋鎖頭 公立醫院位置地方有限 好多時啲嘢都要擺喺櫃度 建議預備幾個背心膠袋可以裝垃圾 帶個鎖頭可以鎖起貴重嘢 另外最好咩個斜孭袋將鎖匙電話跟身啦 5. 即棄馬桶紙 準備生之前成日都會有想poopoo既感覺 但奈何唔慣出街去廁所坐低馬筒上 挺住咁大個肚次次坐無影凳都幾難 所以我準備咗啲即棄馬桶紙 係有啲唔環保,但係都係短期用幾日 解決咗如廁嘅煩惱 6. 可沖廁濕紙巾 好多人都會建議用沖洗瓶同廚房紙 我個人會用皇冠牌濕紙巾 佢有個好處就係可以沖落馬桶唔驚整塞 生完之後周身冇力,拎住包濕紙巾方便過拎住兩樣嘢 7. 即棄膠手套 呢樣野都係可解決產後嘅煩惱 老人家成日講生完唔好掂生水 但係醫院果一兩日,只有水喉水 好難會用暖薑水/水壺/薑梘入去廁所洗手 所以如廁時我會用即棄膠手套 雖然都係好唔環保,但係可以減少濕水入風機會 8. 乾糧 呢樣野好緊要!! 經歷過生腩腩之後 我絕對明白分娩完凌晨係會肚餓㗎 到時又冇力,一個人唔知去邊度買嘢食,又未到探訪時間 所以要執啲餅乾同埋飲品放落走佬袋 想share多啲分娩前嘅準備,請俾個like以下Facebook 頁, 一齊傾下:) https://www.facebook.com/nammeetsbei #hkmum #hkmom #hkmama #hongkongmum #mumlife #852mama #ftm #fulltimemum #港媽 #香港媽媽 #脾脾 #走佬袋 #分娩前準備 #公立醫院 #順產