買牙膠, MRS K 真係做咗好多功課,睇咗好多BB 鋪, Online Shop, 荷花,各百貨公司, HKTV MALL 係真金白銀俾錢出嚟上的一堂課 你地見有咁多個就知咩事啦, 前前後後買咗七個，點都有啲心得想講下 其實係自己蠢咗，唔想其他人一齊蠢 牙膠大約更正三個月開始 豆沙開始咬衫袖同紗巾同手手, 我地就俾佢咬 買牙膠有咩要留意呢咁，點解Mrs k 買咗 咁多個 豆沙婆婆都reject 晒呢?大家可以參考下 牙膠的形狀 尖尖長長 NG 大家應該見好多bb好鐘意食呢隻蕉蕉，但豆沙婆婆第一件事就話唔買 因為有小小尖，又有啲長，驚豆沙仲細唔識，吉到眼仔，喉嚨咁 同有啲突出，長條狀的牙膠都要小心，好似豆沙呢隻長頸鹿，佢仲細時俾佢咬，佢用咗隻腳嚟幫自己扣喉，嘔番晒啲奶出嚟, 豆沙公公愛孫心切，直情話：不如公公幫你斬晒長頸鹿啲腳佢啦 呢D要等佢5-6個月先俾得佢 (網上圖片) 圓環好楂手 OK 豆沙沙有職業治療的複診，個治療師教我地買牙膠甚至係玩具俾豆沙，要買有環突出嚟，好揸手，個形狀最好兩隻手一齊揸都得，咁就可以練埋左手交右手，右手交左手. BEE BEE就係跟據職業治療師的要求買的玩具,佢又係咬得,所以都算係牙膠 大細剛好擺入口 獅子係勁唔就口， 隻手拎得嚟，就無位咬，咬個頭就得啲邊邊位，極速失寵 技豆三姐妹同心心都成日被寵幸的, 因為好拎,又易放入口 牙膠的質料 軟身的牙膠或者小小硬的silicon 矽膠都無問題 但豆沙隻獅子個頭係硬膠，暴力豆沙好鐘意拎住隻獅子不停敲落自己塊面到，塊面就紅晒囉，無野ge 跟住豆沙又會拎住隻獅子敲落Mrs k 到，唔好講笑，堅痛 隻獅子從此被打入冷宮 當然豆沙婆婆又鬧鬼Mrs k 亂買 松鼠都有啲硬，要大啲先俾得佢玩, 又俾豆沙婆婆鬧 Steamable 蒸唔蒸得 始終係放入口，點樣消毒會係一個concern 水狀 啫喱狀個隻牙膠係一定唔steam 得的, 因為會溶 而其他咁多個牙膠 全部都寫唔steam 得(mrs k 係一個會LUM說明書GE 人) 得枝豆三姐妹係蒸得 雪唔雪得 BB出牙唔舒服,醫生會suggest 拎D牙膠雪凍俾佢地咬, 可以release 佢地出牙D牙肉的唔舒服, 所以雪唔雪得會係一個concern 水狀 啫喱狀係雪得最凍,枝豆三姐妹同長頸鹿都一般 我地會拎密實袋,袋住入去雪 beebee 竟然有寫明雪得 MADE IN 邊度同咩地方牌子 擺入口, 成日咬, 強國真係唔太信得過, so far 無記錯得bee bee 係made in china, 但美國牌子,都放心D, 其他都係日本 不知名的圈圈俾Mrs K 收起咗 牙膠的重量 BB仲細會訓係到玩牙膠,豆沙沙試過玩獅子太重,定佢手無力,玩玩下揼咗落嚟,即喊,同埋額頭紅咗, 跟住mrs K 又俾豆沙婆婆鬧, bb未識坐ge時候,俾牙膠佢要揀d輕身, 識坐就唔太擔心 一體成形 定 組件 愈多組件就愈多位藏細菌 亦大咗機會解體，風險上升 豆沙個花花 背後有上螺絲，多多小小有啲擔心 仲有一隻叫Sophie 的長頸鹿 牙膠 好受歡迎，但佢係中空的 有日係Facebook 見到 有個post 有媽媽剪開佢，裡面黑晒，好得人驚 太嚇人，唔擺相有興趣請自行google (網上圖片) 有聲定無聲 有聲就吸引啲,BB會鐘意玩 但無聲都有佢的好處，豆沙會咬住牙膠訓 俾錯一個有聲牙膠佢，佢訓訓下整到有聲就會即醒 跟住就可能拍好耐都訓唔番 有無繩位/環 有無位可以扣奶咀繩, 因為唔小心跌咗落地就要拎去洗完再用熱水6下佢消毒 成日跌成日洗都好麻煩下 有得用奶咀繩綁住,再扣係BB衫到就唔駛驚佢成日跌 最得寵牙膠排行磅 豆沙媽媽跟豆沙 共同俾分 <第一名> 枝豆三姐妹 優點：就手又就口又蒸得，一體成型,輕 缺點：無聲！？(算唔算係一個缺點?) <第二名> 心心 優點：就手加好咬，又連埋盒，方便衛生，一體成型,輕 缺點： 淺色，成日跌落地搵唔到； 唔蒸得 <第三名> 長頸鹿 優點：好揸手，一體成型，好咬 缺點：腳長，太細會自己扣喉，唔蒸得 記得買日本版, 唔好買錯韓國版 (因為始終覺得日本可信好多) (網上圖片) <第四名> 花花 優點：好咬，有聲，多顏色 缺點：唔蒸得，背後有螺絲 <第五名> 松鼠 優點：有聲夠響 缺點：有啲硬，打到會小小痛 <第六名> BeeBee 優點：夠大，好揸手，有聲 缺點：唔蒸得，難清潔,有D重, made in china <第七名> 圈圈 優點：好揸手，好咬 缺點：由於唔知婆婆幾年前係邊買，所以無俾佢玩 <包尾> 獅子 優點：夠晒嘈 缺點：勁硬，俾佢打到好痛，唔好揸，唔好咬 牙膠的另類選擇 呢個都唔知屬唔屬於牙膠定口水肩，但好方便, 豆沙 一邊咬一邊索晒口水, 好方便 make in UK, 絕對放心 都係上網睇到QQmei介紹再係香港搵嚟買 另外其實仲有買過牙膠繩(?)豆沙都咬得好開心,但最鐘意係咬頭尾個帶同夾位置 = non牙膠部份 開頭都驚佢會易斷, 太靚又忍唔住買咁, 番嚟死抆爛抆都無斷,測試通過,就照俾豆沙咬, 佢都咬得好爽 有雲石紋, 真係好靚GA (其實係買嚟滿足個呀媽 :P ) (網上圖片) http://www.facebook.com/vislyip 豆沙的小小page,懶媽媽不定期,但心血來潮就會更新 :P
