副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

不同年齡階段的寶寶睡眠時間表

每個月齡嘅寶寶都有佢自己嘅作息時間,越大年齡嘅寶寶訓得會越少,相對佢地活動量又大左,所以各位媽媽們快d睇下自己仲有幾多休息時間啦(哈哈~)

每個月齡嘅寶寶都有佢自己嘅作息時間,越大年齡嘅寶寶訓得會越少,相對佢地活動量又大左,所以各位媽媽們快d睇下自己仲有幾多休息時間啦(哈哈~)     初生至2個月   新生嬰兒係唔識得分白天同晝夜嘅概念,寶寶只知道一日24小時食奶同訓覺,咁樣先可以正常發育同成長。新生嬰兒一日需要訓16-18小時;每次都可以訓2-4小時,然後餓醒大喊醒來。剛開始嘅時候,新生嬰兒會不分晝夜咁食奶,但係慢慢地會發現佢晚上係訓得多過白天嘅時間。   2至4個月   依個月齡嘅寶寶每日平均訓14-16小時,大部份睡眠時間都係晚上;白天一般都會訓3-4次,因人而異。   4至6個月   4個月齡嘅寶寶晚上平均訓10小時;白天會訓2-3次。依個時候嘅寶寶開始認識早上同晚上嘅分別,所以最好嘅依個時候幫寶寶建立一個固定模式,維持每日日間小睡同夜晚就寢嘅方式都相同。   6至9個月   6個月齡嘅寶寶晚上平均訓10-11小時;白天上午同下午各訓1次,每次約1-2小時。6個月嘅寶寶大多數可以一覺訓天光;而且開始吃嬰兒副食品,飽足感較充足,依個階段寶寶睡眠週期都變長,爸媽可以俾寶寶學習自行入睡,增加寶寶嘅依附感,俾孩子夜間睡眠更安穩。   9至12個月   9個月齡嘅寶寶白天訓2次,白天上午同下午各會訓1次;晚上平均訓10-12小時。依個階段嘅寶寶你會發現有個睡眠問題,就係會半夜醒來,一係坐係張BB床度依依哦哦,一係企係度,等你回應佢。因為佢習慣左係大人懷抱中入睡,所以半夜佢都想要相同方式依附大人。所以爸爸媽媽們係依個階段會唔夠訓,因為要成晚起身安撫訓係BB床嘅寶寶。   1至2歲   1歲寶寶晚上訓10-12小時,白天再訓1-2次,每次1-2小時,而且你會發覺孩子下午小睡時間慢慢縮短。 依個階段嘅寶寶活動力十足,活動量增加,難免會有睡前掙扎唔肯訓覺嘅情況,爸爸媽媽們可訂立就寢時間,建立好固定的睡眠儀式,養成孩子規律嘅睡眠習慣。   2至3歲   2歲嘅孩子好鐘意挑戰父母嘅規定,關於上床訓覺依D小爭執係依個階段好常見。制定就寢時間嘅常規同儀式,係鼓勵良好嘅睡覺習慣同俾孩子有安全感嘅最好辦法。2歲嘅孩子大約白天會睡1-2小時,晚上訓10-11小時,建議晚餐後可減慢節奏,讀書、唱歌或玩d靜態嘅遊戲,避免孩子係訓前太興奮而訓唔著。       3歲後   孩子越大就越唔需要訓晏覺,而且晚上嘅睡覺時間會減少。大部份適齡嘅學童都已經學識自己重新入睡,而且佢地會發夢,所以家長們要小心監察小朋友睇過咩影片,尤其晚上睇嘅影片;因為小朋友會因此發惡夢同難以入睡。   以上數據都只係參考,每個小朋友睡眠質素同時間都唔同,所以大家輕鬆面對就可以。     合作可聯絡: qqyanyan@gmail.com   IG Follow: https://www.instagram.com/qq_chinchilla   我的專頁:孖吉的成長日誌 (歡迎各位Like &追蹤以及互相交流育兒心得~)   腳印:   香港媽咪幫 / Oh!爸媽 / 靚太Club Wow / Presslogic 媽咪日常 / Openrice