話咁快過左2個月, 黎到2020年, 距離預產期仲有1星期, 趁仲有時間打埋最後一篇產前講座分享! 第三十二個產前講座: 2019/10/31-2019/11/03 Nottoobig 優質母嬰用品展 呢個唔係講座, 係BB展. 除左1年2次的荷花BB展, 其實年中都有D中型/小型BB展, Nottoobig就係其中一個. 呢個BB展係九龍灣展貿中心舉辦, 會場booth唔算好多, 1-2個小時就行得晒. 而其中一D booth都有得拎福袋, like facebook有禮物送咁~依佢有D gimmck位就係1蚊貨, 同埋買滿指定金額有禮物拎. 買到1蚊貨都幾抵, 有興趣朋友記得follow佢地facebook留意下屆舉辦日期喇~ 以下就係福袋內容:- 第三十三個產前講座: 2019/11/03 Cordlife x mamidaily孕媽奶爸攜手備戰班 (約1.5小時) 呢個講座由mamidaily主辦, 係佢地網站報名參加, 舉辦地點係ClubONE. 第一節係講儲臍帶血, 我之前已經聽過有關內容, 而我本身係公立醫院生產, 所以都用唔到呢個選項. 第二節就由一位好有經驗的婦科醫生分享下分娩注意事項, 都講得幾好. 完左就有問答環節, 之後就可以拎禮物包離開喇~ 第三十四個產前講座: 2019/11/10 雪印產前講座 (約2小時) 雪印每2個月會舉辦一次講, 有興趣的媽媽可以留意住佢地網站. 呢個講座我報左3次名先抽到, 都幾難抽. 今次講座內容分2 part, 首先會講懷孕時要注意的營養飲食, 之後有陪月員分享坐月湯水, 最後仲有教大家做D孕婦伸展運動舒緩懷孕時的不適. 中間時段可以比大家去購買會場限定優惠的媽媽奶&鈣片, 有贈品送, 我見其中一樣係i-angel揹帶, 都幾吸引. 完左就拎禮物離開喇~ 第三十四個產前講座: 2019/12/14 田原香滴雞精「安胎坐月中醫調養導南」講座 (約2小時) 田原香講座都係大約2個月舉辦一次講座, 而每個媽媽一年只可以報名參加一次, 記得留意佢地網站喇~ 呢次講座係由中醫角度去分享一d懷孕&坐月時要注意的事, 當然仲會介紹佢地自己的滴雞精產品. 會場亦設有購買優惠, 買$4000儲值, 可以當$5000用, 即係8折價. 講座最後一部分就係問答&抽獎環節, 完左就有禮物包拎走喇~ 第三十五個產前講座: 2019/12/21 惠氏產前產後湊B實習班 (約2小時) 惠氏呢個講座唔係facebook公佈, 又係要入佢地網站搵先見到. 同埋佢一早出左資料會係幾時舉行, 想報名的媽媽們要得閒click入去佢地website睇下開放報名未~ 講座第一part係有護士教您點同BB沖涼, 枱面會有一個BB玩具比您實習. 而第二part就係會有營養師單對單同您分析懷孕時的飲食習慣. 因為係一對一, 所以等候時間都耐D. 完左就可以拎禮物包走喇~ 第三十六個產前講座: 2019/12/29 Oh!爸媽「BB．孕婦嘉年華」 2019年最後一個產前講座/BB展就係Oh!爸媽「BB．孕婦嘉年華」. 會場其實好細, 中間主舞台就係for講座, 旁邊就係BB爬行比賽, 然後周圍大約有10個booths比父母參加的工作坊. 雖然會場細, 但我都私心覺得呢個嘉年華一去無妨. 因為當中舉辦的講座, 每一場都有禮物送出, 大獎係BB車一架! 而參加BB爬行比賽仲有一大包學行褲可以拎走, 有得玩又有禮物拎, 都幾好! 離場時都有個禮品包拎! 2019年產前講座分享到呢度就完結喇~ 希望遟D有時間再出多D育兒分享文! BYEBYE~ 想重溫之前的媽媽講座分享可以click以下連結:- 2019年8月媽媽產前講座分享 https://mamibuy.com.hk/talk/article/77957 2019年9月媽媽產前講座分享 (上集) https://mamibuy.com.hk/talk/article/78251 2019年9月媽媽產前講座分享 (下集) https://mamibuy.com.hk/talk/article/78872 2019年10月媽媽產前講座分享 (上集) https://mamibuy.com.hk/talk/article/79198 2019年10月媽媽產前講座分享 (下集) https://mamibuy.com.hk/talk/article/79549