副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

窮媽媽上奶方法一記

交代一下背景︰我係第一胎, bb出世無幾耐因為我未上奶已經補奶粉, 出院後又聽話地用左奶樽俾陪月餵奶, 亞仔係我無乜奶又瓶餵就更加嬲埋身,種種情況令我開頭揀左做全泵媽,雖然試左好多方法, 夜晚powe

交代一下背景︰我係第一胎, bb出世無幾耐因為我未上奶已經補奶粉, 出院後又聽話地用左奶樽俾陪月餵奶, 亞仔係我無乜奶又瓶餵就更加嬲埋身,種種情況令我開頭揀左做全泵媽,雖然試左好多方法, 夜晚powerpump max 都係泵到一安 一路係咁少奶GE時候真係會非常懷疑自己同埋失落,特別係身邊好多過來人都會問你係咪無食XXX無做XXX無幾時咁樣做過GE時候,上網亦都好多時只係睇到啲成功追奶例子,所以真係好想寫下自己做左乜野但係唔算成功GE經歷。 將試過GE野一一記低先 1. 湯水 有陪月少不免會煲上奶湯水,魚、木瓜、花生、章魚、通草等等咩都煲,對我來說無特別好同唔好,只係覺得飲多左湯水就好似飲多左水咁,不過後來有SIS 分享其實木瓜用青木瓜唔批皮係最好,我都試過咁做,唔覺得有好大效果 2. 黑豆水 泵唧都唔多奶GE我最起初就買左一早包裝左GE黑豆水試,我唔知同自己炒黑豆GE係咪會好大分別,不過對我來說都係好似飲多啲水,無乜大效果 3. 埋身 無論咩人都會話叫BB埋身係最好GE方法,其實我都覺得係, 所以做左全泵媽一輪之後,無論個仔喊得幾淒涼都好我次次都會逼佢試一試,不過因為佢真係好抗拒,所以我都唔能夠得到好有效GE吸啜效果 4. 滴雞精 有全人奶媽分享過係WORK, 所以我都買左,特別揀左有王不通行成分GE,朝朝早空腹飲一包,感覺係真係通左啲 5. 催乳曲奇 4+5係我宜家basic 每日GE組合,曲奇標榜係啲天然成分,食左又真係好似多左奶咁所以唔敢停 6. 上奶茶 外國GE milk tea, 試過日日飲, 但係感覺差唔多, 無乜特別 7. 催乳按摩 呢個係我都幾desperate 的時候搵, 因為我覺得自己下下泵到一安GE話應該keep唔到一個月,所以搵人上門做,做完其實係舒服左,個胸仲好似挺左,但係按摩後泵奶都無明顯提升, 不過催乳師教GE穴位我耐唔耐都有按下,覺得按左係會無咁塞(無錯, 少奶都會塞) 8. 葫蘿巴籽 又係全人奶媽介紹, 最新試, 所以唔知work 唔work, 拭目以待=)   之前一路埋身+奶粉+泵奶真係好攰好想放棄,但係後來諗, 亞仔啜得一次得一次, 啲泵奶泵到一次得一次喇,  返工/黎M或者種種原因可能會突然無奶架嘛, 有飲過少少應該都有啲效過到俾佢啦, 個人舒緩啲感覺又好啲, 放鬆啲可能啲奶又會多啲,所以宜家basic 一安, max 2 安, 我都係由佢, 最緊要自己舒服放鬆,亞仔又唔係餓親就算lu, 以上GE就當係俾自己GE一個小小總結喇嘻嘻