副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[BLW資訊系列]BLW入門—新手媽媽Q&A

簡介:

簡介: BLW是Baby-led weaning既簡稱,主張BB自己主導進食去戒奶,同傳統加固方法唔同,並非由照顧者餵食,而是BB自己用手去拎切成finger size的食物自己嘗試去進食,食唔食,食幾多都係由BB主導。 以下係新手媽媽常問既幾個問題: Q1:請問BB應該幾時開始BLW? A1:當BB達到以下基本條件就可以開始 1。BB必須六個月以上 原因:此時BB胃腸道消化系統逐漸發育,才可以逐步引進固體食物 2。BB必須能青蛙坐穩15秒或以上 原因:上半身可以坐直,頸仔有力對吞嚥都有幫助,如果坐唔穩食野會增加哽親的風險。 3。BB見到其他人食野會有興趣,會搶食,可以自己伸手拎食物同時放入口咬同咀嚼。 原因:當BB對食物有興趣,就唔會抗拒加固,可以讓小朋友愉快地嘗試進食食物和感受到進食的樂趣。 4。吐舌反射消失 原因:吐舌反射是一種會將固體物質用舌頭從口腔推出的機制,對剛出生的BB而言,這是保護反射,能夠避免當口腔與咽喉吞嚥的能力尚未發育完全前誤食的危險,所以當吐舌反射消失,就代表BB已準備好加固。 Q2:BB到左6個月但未坐穩,可唔可以餵米糊俾佢嘗試加固,到佢坐穩再開始BLW? A2:不需要,其實BB一歲前主糧都是奶(母乳/奶粉),其他食物只是輔食,媽媽不需要急於一時幫BB加固,因為當BB未坐穩,哽親的風險仍是比較高。 Q3:如果我是在職媽媽,係唔係會行唔到BLW? A3:不少在職媽媽都分享,當BB開始加固的時候,會改在晚餐進行加固,因為媽媽可以在放工後回來同BB一齊進食,觀察其進度。 另外,最重要的是跟主要照顧者有良好的溝通,告訴其知悉什麼是BLW,讓其充分了解及在晚餐時間觀察,當BB加固進度理想時,就可以放手讓照顧者跟BB一同進食午餐。 小建議: ⭐如果要嘗試高敏食物,可以選擇在媽媽放假的時間在中午嘗試,因為萬一BB敏感也可以在日間時間看醫生。 Q4:初初開始BLW應該準備那種食物?應該用什麼方法煮? A4:蒸菜芯莖同西蘭花係初嘗試既不二之選。 原因: 1。菜芯莖同西蘭花比較容易拎著,方便BB食,容易成功,達到滿足感,會繼續嘗試 2。非高敏感食物 3。用蒸既方法可以讓BB嘗試到食物的原味 準備食材注意地方: ⭐食材全部要切成粗長形 ⭐應避開黏喉嚨(e.g.蕃薯)/容易咬斷(e.g.紅蘿蔔)食物 ⭐每樣新食材要連續嘗試3日以確定BB無敏感反應 ⭐用蒸比烚會保留多點營養 Q5:選擇BLW,媽媽/照顧者有什麼要準備? A5:準備如下: 1。要先學習嬰兒急救法 —youtube睇片自學 —到紅十字會報讀「嬰兒心肺復蘇法證書課程 (ICPR)」 ⭐因爲BLW的過程中,BB會遇上gagging同choking, 媽媽/照顧者要識分辦,萬一遇上choking,也可以馬 上為BB急救。 2。保持良好心態 —接受BB初期會食多過玩 —不怕污穢(因為過程會比較messy,有機會成枱成地都 係) 3。要同BB一同進餐 —讓寶寶感受一齊食飯的樂趣同氣氛 Peggy媽媽也是過來人,希望以上Q&A分享可以解答到大家對BLW的疑慮,幫助各位媽媽輕鬆開始加固路。 ************************** - Peggy媽媽與柏宇仔 - 90後全職媽媽,全職照顧柏宇仔,分享BLW、幼兒食譜、親子活動好去處、小手工、Messy Play資訊。 想緊貼最新資訊,可以Like埋我既FACEBOOK啦! FB專頁:  https://www.facebook.com/PakyuBLWbb/ Instagram : http://www.instagram.com/ching_peggy/