副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

6月B K1名幼大作戰-大豐收 (part 5 九龍真光幼)

九龍真光幼稚園(女半龍,幼稚園都會收男孩子)

九龍真光幼稚園(女半龍,幼稚園都會收男孩子) 今日講呢間可能相對冷門,之前都有名氣,但因小學擴充,幼稚園停辦左一排,近兩三年先開番,但其實佢係半龍同入面教學安排都幾好ga,詳細下面再講。 面試模式 只有一round,冇家長問卷。 唔好太早到呀,早10分鐘可以喇由於校舍比較細,要喺門口排隊冇得入,因為對面就係九龍城街市可能有部份家長會有concern但都可以話相對方便ge :) 到time slot會叫入去,d老師好nice,特別之處佢係用男NET,兩個都係男NET,好似仲有個女,不過肥豬明面試途中冇見到。點解要提男NET?因為一般女孩子可能比較怕男人,所以要事先比心理準備佢地會比較好。 A)兒歌聽指令(8-10個小朋友)英文 第一round就係NET講故事唱歌,首英文兒歌係指令型,要求小朋友跟住做動作,側邊會有老師observe比分。都有成10-15分鐘呢part,家長全程被分開坐課室最後面,可以睇到小朋友表現,但干預唔到,要留意唔小小朋友會attracted by 家長走左過黎忘記左NET interview緊。 B)觀察群體表現(玩玩具)中文 之後會安排坐後面大枱,觀察小朋友之間相處,有冇爭玩具share玩具等等,老師會逐個行埋去一齊玩玩具,冇特別問咩顏色,咩黎,只係一齊玩,所以小朋友肯講野,唔爭野應該好重要,肥豬明呢part笑得好開心。玩左5-10分鐘就去另一間房individual喇。   C)一對一問問題 入到去有好多枱仔,一對一問小朋友問題,會首先問叫咩名,之後叫佢“筆”起d 細ball ball比隻有個口ge公仔食,考小手肌,再問問題,eg,拎張orange相出黎問咩黎,問邊度買之類,肥豬明唔識答街市or supermarket,佢答左九龍城 XD,如果佢發現小朋友好似聽唔明果個語言,會轉英文問,中或英答都可以。   TIPS So far覺得呢間學校重小朋友反應,小朋友活潑主動係重要ge,要留意頭先講過因為校舍細(一層樓)冇户外空間ga,不過佢地注重outing,會經常帶佢地出去其他地方睇。再加上佢地只係收50-60個學生,大約1500-2000人考,由於收得小,學術語境都做得好好,有專屬NET,再加上半龍,大約40-50%上到九龍真光小學(英小)我諗假以時日,儲番幾年result會熱門好多。 下一篇可能係另一間龍校,因未出result所以寫唔到住。又或者唔寫見k,就黎新年寫親子日本旅遊。 Please feel free to leave comment. Please follow instagram for more: hera_ip