副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

煮媽媽 - 墨西哥烤餅

就到新年, 忙到踢晒腳, 連煮食都求簡單~!! 越快越好~! 但快同簡單都要有營養ga ma~ 大家一齊嚟整呢個食咗唔怕肥ge墨西哥烤餅啦~ 大人細路都啱食ga~!!

就到新年, 忙到踢晒腳, 連煮食都求簡單~!! 越快越好~! 但快同簡單都要有營養ga ma~ 大家一齊嚟整呢個食咗唔怕肥ge墨西哥烤餅啦~ 大人細路都啱食ga~!!   材料 (可做2個烤餅): 墨西哥烤餅皮 2塊 免治牛肉 3湯匙 紅椒 半個 牛油果 1個 檸檬汁 1茶匙 紫洋蔥 1/4個 原味乳酪 1湯匙 墨西哥混合芝士碎 1湯匙     做法: 1. 免治牛肉用半茶匙鹽, 半茶匙糖及1茶匙蒜粉醃15分鐘 2. 紫洋蔥切碎, 紅椒洗淨去籽後切粒備用 3. 牛油果去核後界開成格仔狀, 用湯匙刮落大碗 4. 加入紫洋蔥碎, 檸檬汁, 原味乳酪, 一小撮鹽及一小撮黑椒攪爛, 做成牛油果醬備用 5. 炒熟免治牛肉及紅椒 6. 白鑊烘墨西哥烤餅皮, 同時將1湯匙芝士碎放在半塊烤塊上, 加入紅椒, 免治牛肉及牛油果醬(份量隨個人口味), 然後對摺, 反轉再烘十零秒 7. 趁熱切開成3-4份, 放涼小小便可進食   影片教學: https://www.facebook.com/cookingmama.ilovemama/videos/806677089797745/   **歲半以上咀嚼能力良好就食得ga na**   未影完相已經有個小朋友係咁問食得未喇~   叫佢望吓鏡頭都難呀~~ 密密食唔停口   煮食小貼士: 1. 牛油果醬可以儲存2-3日 2. 牛油果含有不飽和脂肪, 幫助小朋友腦仔發展, 又有維他命E抗氧化, 幫媽咪Keep住年青, 而且果腹感強, 食咗就唔怕食多其他野變 月巴 啦~ 而且仲可以降低壞膽固醇, 真係男女老幼都啱食~! 3. 除咗配牛肉, 配烤雞肉都好好味ga~ 我地另外整咗一款係芝士+蝦, 米豬都搶住食 4. 墨西哥烤餅係低卡路里食物, 食多幾件都唔怕肥啦~ 5. 如果怕牛油果醬入面ge洋蔥辛辣, 可以略炒後攤凍再撈做醬, 或者揀d熟d gege紫洋蔥就冇咁辣ga na~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~   https://www.facebook.com/NereusYu/