副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子好去處]羊駝Xdiy菠蘿特飲X真菠蘿包-有機菠蘿園農莊

我哋年半前嚟玩過㗎啦~呢度優化咗唔少啊~ 多咗好多遊戲設施!多咗4隻羊駝~ 今次玩埋DIY菠蘿美食,菠蘿又甜又多汁超正!即開即食唔鞋口架! 可以玩一個下午!餵小動物、菠蘿沙池、彈床、鞦韆、草地、花海等⋯ 天氣涼涼地去效外超舒服!超級親子好去處! 影片分享 以羊駝及菠蘿主題的農莊 我哋喺Travelababies 已預訂門票,收到電子憑證之後,WhatsApp菠蘿園留位就得啦!到達入口處出示電話號碼登記就入得啦!$180一位,初媽有95折優惠碼<chochomama19>,95折左$171位咋! (係菠蘿園官網預訂要$198架)套票包含DIY製作班及門票通行證~ 先去之前已預訂的菠蘿美食製作班,一人一個大菠蘿!見到青BB以為好酸添,點知甜到你唔信! *最好先預訂啊!當日全場滿座~ 爸爸幫我地起晒啲菠蘿肉出嚟!就咁食已經好好食~超香甜菠蘿味!又多汁~ 唔好食晒呀!要留起幾塊菠蘿做菠蘿特飲,話咁快職員已經幫我地做好咗啦~用原隻菠蘿裝住加埋支羊駝飲管~別有一番風味! 跟住整埋真菠蘿包,用一塊菠蘿加一個菠蘿雪糕用個菠蘿包夾住就完成啦! 簡單易整!帶埋小朋友嚟體驗唔錯喎~ 製作班大約1小時左右就完成~ 食飽飽菠蘿美食,出去睇吓全港獨有嘅羊駝先! 零距離接觸羊駝拍照需要另外收費: *大小同價人頭計算,手抱嬰兒除外 *$60/20分鐘 佢哋食嘢個樣係幾得意! 如果唔零距離接觸,格住圍欄餵羊駝都可以,$20份飼料 仲可以去餵兔仔同羊咩咩~小朋友一樣咁開心! 農莊入面好多任玩嘅遊樂設施! 菠蘿形狀嘅沙池~免費提供挖沙工具~ 小朋友仲發現咗個巨型蝸牛殼⋯不過冇蝸牛的! 打鞦韆、滑梯、氹氹轉等~ 草地、風車、沙灘椅⋯感覺超休閒舒適! 放電跳彈床、多個障礙遊樂設施~簡直係小朋友玩樂天堂~ 好多影相打卡位~花花隧道 (設計對白)有菠蘿賣呀~埋嚟啦喂~ 種咗好多花~散散步影吓相都唔錯! 一路玩一路搵印章~儲夠印仔有禮物換架! 禮物就係呢啲啦~好多菠蘿同羊駝嘅紀念品! 農莊入面仲有個收費嘅玩樂區,$40/20分鐘 包括有菠蘿彈床、釣魚池、太空沙、 Lego~限時內可以任玩以下設施! 好好玩!小朋友玩到唔捨得走啊~ 以下價目表可以參考下~ 除咗我哋參加嘅DIY 菠蘿特飲+真菠蘿包製作班,仲有其他工作坊都好吸引㗎! >DIY 蝶古巴特筆袋或零錢包 +有機種子種植班 >DIY 羊駝曲奇餅製作 +有機種子種植班 >DIY 羊駝空氣鳳梨瓶景 +有機紅豆砵仔糕製作班 >DIY 羊駝鳳梨酥製作 +有機種子種植班 年半前來過架!睇吓之前嘅分享>> *記住做好防蚊措施!戶外多蚊! 初媽有95折優惠碼<chochomama19>,係 Travelababies訂購Diy套票連門票通行證 折左$171咋!直接係菠蘿園訂要$198位~ ———————————— 《有機薈低碳農莊 Go Green Organic Farm》 地址:新界元朗錦田四排石 (西鐵錦上路站A出口行3分鐘即到)  Whatapp :55792178 Facebook:https://www.facebook.com/gogreenfarming/ ———————————— Follow 埋 IG:https://www.instagram.com/chochomamami/ 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #親子遊 #生日會 #parentalblogger #hkblogger #好去處 #放電 #親子好去處 #遊樂場 #菠蘿園 #農莊 #羊駝 #diy #菠蘿特飲 #真菠蘿包 #任玩遊樂設施