副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【二寶孕記】入院公院走佬袋懶人包 | 順產篇 x 必帶眉筆

 

有上胎經驗嘅我,而家快33週,我終於開始執好走佬袋了!   坊間其實有一大袋方便裝嘅走佬袋,但有經驗嘅我。 我今胎同上胎一樣,如無意外都係會選擇順產。(唔希望及生開刀生B嘅情況)   所以,有啲用品自己執嚟買,係反而更加合適同啱自己用。     1. 入院用嘅文件 (身份證、醫院產科紀錄咭(QE)、分娩計劃書(QE)  2. 洗潔瓶 (清潔下身用)  - 順產必買 3. 產後用M巾褲(至少3包),因為上胎用走佬袋套裝嘅M巾,姑娘嗌我打孖用。其實M巾褲都方便,著左佢網褲/底褲都唔需要著。 所以今胎揀M巾褲啦,過底機會會再減低啲。床墊都唔洗帶啦。 4. 底褲 (以免由順產變開刀) 5. 外套 (以防醫院冷氣大,住公院生完BB,BB健康正常都會喺自己床邊自己照顧,半夜起身都要著返件外套) 6. 餵奶胸圍 (打算餵母乳的話,一定要準備,方便埋身) 7. 牙刷、牙膏、杯、毛巾、紙巾 8. 拖鞋 9. 電話充電器 10. 耳筒 (因為生二寶關係,會掛住家姐,要帶埋耳筒方便Facetime用) 11. !!眉筆!! (必帶) (有咗上胎經驗,今胎同樣生B荷爾蒙影響,眉無甩咗好多,生完BB通常都影返第一張家庭相,唔想樣衰衰,一定要畫好眉先上產房啦 XD)  12. 護膚品     至於,出院著嘅衫,會跟BB出院袋一齊pack好。 唔想帶住入醫院,自己執行李上產房時咁辛苦。   另外,如果係見紅入醫院的話,就建議都帶埋沖涼液、洗頭水入院。 因為見紅未必咁快生得,上胎我都住咗一晚,所以都會沖涼。   而今胎覺得唔需要帶入醫院嘅用品: - 1. 乳墊 (個人覺得BB出世頭幾日,未完全上奶,所以漏奶情況未必咁快出現) 2. 洗頭粉 (個人覺得無咩作用,都係超頭痕,所以今胎都無買了) 3. 床墊 (因為會用M巾褲,所以漏M機會好低) 4. 網褲 (因為用M巾褲,成條尿片咁包住,唔洗著多條褲咁多餘啦) 5. 泵奶套裝 (相信無咁快上奶,就算多不如直接埋身更快靚正)   【二寶孕記】懷二胎嘅勇氣 | 係愛 x 陪伴成長 x 手足之情 【二寶孕記】QE妊娠糖尿。全日血糖測試 【二寶孕記】妊娠糖尿測試之飲糖水 (一) 【二寶孕記】第二次QE產檢分享 - 早期唐氏篩查 【二寶孕記】孕媽媽選擇護膚品、化妝品須知 【二寶孕記】醫院預約登記方法 及 第一次QE產檢分享 【二寶孕記】懷孕初期。一胎 VS 二胎大不同。   【準媽媽懶人包】初生BB。媽媽會禮物包 | 入會懶人包   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。