副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

帶仔女去拜年,會遇到尷尬的情況嗎? (2)

帶仔女去拜年,會遇到尷尬的情況嗎? (2)

帶仔女去拜年,會遇到尷尬的情況嗎? (2) 上文講到仔女拜年時唔肯叫人,今集講下發脾氣加扭計。 有些小朋友平時一發起火上嚟好鐘意長喊,有時還會同場加映尖叫組合,務求以最快速度將事件推到高潮,令家長們勁頭痛。 有部分小朋友好堅持,無論食飯,定係玩,都一定要跟佢順序,順佢意思。有些比較嚴重嘅,連食飯嗰對筷子佢唔鐘意,都可以即時發作。作為父母,有時就算好想帶佢出街,都會有少少猶豫。 咁點處理好呢? 遇到咁嘅情況,有時「以靜制動、以柔克剛」都算係不錯嘅選擇。小米以前喺公園識得一位媽媽,佢個小朋友情緒係大起大落嗰隻,鬧又鬧過,打又打過,但小朋友仲變本加厲,大家都開始覺得佢係專登喺大庭廣眾下做戲畀大家睇啦。於是我建議嗰位媽媽同小朋友講:「我見到你唔開心,我都聽到你喊啦,但係你喊緊我聽唔到你講嘢,等你喊完我哋先再講,我等你。」   小朋友喊咗一陣,竟然靜雞雞裝下媽媽係咪真係等佢,咁就證明咗之前一直喊都係揾觀眾,只要家長唔好大過執着一定要佢收聲,或者太過在意其他人嘅目光,用理性一點的方式,甚至幽默一點的方式,話唔定會得到不同的效果。 下次我哋再討論一下多手多腳的小孩。   前文內容:帶仔女去拜年,會遇到尷尬的情況嗎?(1)