"度腳紙" 呢個term 係豆沙媽媽自己改的 呢個其實有D無聊但又覺得幾有用 大家有無試過度嚟度去都度唔到BB隻腳幾長,唔知買鞋買咩size 雖然坊間有賣度腳呎, 但無神神俾錢買呢個呎好似有D唔化算, 同埋屋企又多咗舊野唔知放邊好, 你知啦,香港地吋金尺土...(下刪一萬字) 之前豆沙K1面試,要買番對女仔D ge 鞋,就上網四圍睇, 無意中係 next 發現咗呢個 https://www.nextdirect.com/help/en/HK/Section.aspx?ItemId=30858 其實係next 出的 size guide, 教人點度腳買鞋, 但佢中英文寫得好清楚點度 最正係有埋PDF, 一print 就用得,有齊左右腳,仲有得睇埋鞋寬,好方便 PDF link: http://cdn2.next.co.uk/PDFS/nextdirect/shoe-fitting-guide-hong-kong.pdf 方法好簡單 1. print 晒兩張紙出嚟, 分別係左右腳 2. 貼住牆放 3. 叫呀B企上去,張紙有寫腳點向, 其實唔睇字, 睇佢個灰色腳印都明晒 4. 睇長度 5. 睇鞋寬 6. 再睇size chart 買鞋 其實, 唔一定係幫襯next, 其他牌子其實都係睇腳長幾多cm再揀size 最難係第3個point, 叫豆沙貼牆企,佢企得10秒就閃咗去, 但10秒都夠我睇到佢幾長,咩size, 但就影唔切相 多得呢張紙, 如果唔係真係好難捉住隻馬騮嚟度腳 度得啱就唔怕買錯鞋啦~