副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

"BABYLAU育成日記" PAPALAU獨自出走日本瘋狂購

唔信 ? 有圖有真相!!! 全部都係PAPALAU係日本買番黎 :) 連帳篷都托埋番黎 XD

大家冇睇錯唷 上年11月既時候 PAPALAU獨自一人快閃大阪3日2夜幫BABYLAU準備日用品 當一個男人變成了準爸爸 購買力、戰鬥力真係幾驚人 絕對可以同一眾女士們有得揮!!! 唔信 ? 有圖有真相!!! 全部都係PAPALAU係日本買番黎 :) 連帳篷都托埋番黎 XD 今次既TRIP機票REGIN係用ASIA MILES換番黎既 而酒店都選擇左性價比高既APA  一黎價錢比較平 二黎酒店冇幾遠就係買BB野既地方 好方便!!!  事不宜遲!! 分享下PAPALAU行程 :) DAY 1 本町 + 梅田 第一站 本町AKACHAN  大阪府大阪市中央区南本町3-3-21 呢間係本鋪 有五層高 媽媽產前產後用品、BB衫、BB日用品... 總之係你UP得出生活用品都會有 REGIN主要叫PAPALAU係AKACHAN買奶樽、日用品 、小玩具、牙膠 原因係AKACHAN款式真係比西松屋多 而且會比較多MADE IN JAPAN的物品 咁當然 價錢就會比較貴D 所以大家選購時要權衡一下 同仔細睇清楚係咪MADE IN JAPAN啦 ** 如果媽媽都有意買DR.BETTA奶樽 日本真係平香港一半價錢** **都好推介媽媽買日本米造的牙膠 BB食得安心又玩得開心自己又放心** 第二站 梅田 10mois  大阪府大阪市北区角田町8-7 11F 我諗10mois呢個品牌對準媽媽黎講唔陌生 近年好HIT 最熱賣既係Hoppetta防踢被 比較過之後 即使當時香港SOGO做SALES 都唔及係日本買抵 所以必需要入手一下 剔除防踢被 佢地既水漾多功能保暖披巾REGIN同老公都好欣賞  用係BB車又得 用係BB咩帶都得 最重要質地舒服 保暖功能又真係幾好 而當時係日本買仲有野送XD 最尾PAPALAU仲自己額外買多左兩頂帽仔比BABYLAU (果然.... 小情人係唔同D) **大部分10mois產品係日本購買 大多都係香港價錢再7-8折左右** DAY 2 天王寺 + 阿倍野 + 本町 第一站 天王寺西松屋 大阪府大阪市天王寺区筆ヶ崎町2番22号 之前提到AKACHAN買既野都比較貴D 比較過之後西松屋買衫仔比較優惠 而且就算MADE IN CHINA 但質地都唔錯 同埋BB大得快 唔需要買得太貴 西松屋性價比高 除此之外 西松屋另一樣必買既就係媽媽餵奶BRA =V= 質地好 又平!!!!!  **西松屋買到的California Cotton夾衣質地好好又抵 推薦媽媽們購買** 第二站 阿倍野Q MALL AKACHAN  大阪市阿倍野区阿倍野筋1-6-1 イトーヨーカドーあべの店2F  呢間AKACHAN就冇本町個間咁大了 主要都係想睇下有冇咩款式係本町冇既 PAPALAU就係度買左膠口水肩同一件I LOVE PAPA既衫仔 DAY 3 臨空城OUTLET西松屋 最尾一日PAPALAU臨去機場之前都係忍唔住去左OUTLET既西松屋 XD 本身佢話唔會去囉.... 雖然都係搵唔到MIFFY餐具 但係個度都買多左件衫仔比BABYLAU 因為佢係下午飛機 所以DAY 3 行程唔多 行完OUTLET就去機場了 **呢間西松屋可以放行程最尾 買唔夠可以作最後衝刺 店鋪唔算大 手痕想再買可以上機之前行下**   其實都有人講 山長水遠去到日本 又機票又食住到底價錢係咪真係平D? 可能我地已經平左機票 咁住既地方唔係話好貴既4,5星酒店 計番3日2夜洗費唔算大 同埋 自己去當地買 可以自己簡 自己行 又可以摸下質地 總比搵代購買更開心 不過都要特別留意番唔同季節去就係對應番當季質地既衫仔 PAPALAU去個時入冬了衫仔都比較厚   PAPALAU唔算係一個好鐘意SHOPPING既人 但都為左BABYLAU出左一趟日本 辛苦唒你啦爸爸 小BLOG想記錄準備BABYLAU到來既一點一滴 都想同志同道合既媽媽們開心SHARE :) 媽媽們我地一齊加油唷!!!!!  REGIN其他小BLOG: https://wow.esdlife.com/reginb