副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

"BABYLAU育成日記" BB用品清單 (超詳細)

由知道懷孕個刻開始 剔除開心同興奮之後 更多既係要係計劃+諗下點幫BABYLAU準備佢到來既一切 一早已諗定有一批用品會係日本直接購買 所以先會有之前個篇PAPALAU瘋狂日本購買記XD 其餘的 都係網上購入 / 本地商店購入 而品牌大多都係靠朋友口碑 OR 自己上網做RESEARCH'' 始終比BABYLAU用 總係想比到最好既野佢 更何況佢係PAPALAU既小公主 :) BB用品方面 我參考同綜合左其他媽媽分享 列左一個大表 分左五大類別 「衣、食、住、行、其他」 下面會有清單項目 亦都會特別介紹一D推薦比媽媽們既用品 / 品牌 都係朋友用完好介紹比我的 「衣」方面: 尿片方面 之前都考慮PAMPERS 但老公同事話好易爆屎 反而MERRIES / Goo.N包得比較好 最重要既係佢兩個女用呢兩個品牌都冇出現尿布疹問題 屁屁白白滑滑 (咁當然爸爸媽媽都要打理得BB屁屁好D啦) BB衫其實我地兩公婆係香港都有行下D百貨公司 但PAPALAU就係一個對物料好有要求既人 仲要著係BABYLAU身上既話 佢會想全棉為主 所以初生BB衫大多都係日本買唒 店舖都係AKACHAN同西松屋為主 基本上50-60 70 80 碼既衫仔PAPALAU都有買到 另外 特別係西松屋有好可愛既卡通人物紗巾!!! REGIN 特別叫PAPALAU入手左MIFFY *V* 而包巾 都係朋友口碑介紹英國品牌ADEN AND ANAIS 聽說英國凱特皇妃都係選用呢個品牌 質地柔軟 款式亦都多樣化 有圖案、有花紋、亦都有卡通人物 我地為BABYLAU簡左BAMBI 同 MARIE =) 包巾係初生時包住BB 一黎令到佢有安全感 二黎BB一開始都唔會用到被仔 包巾就大派用場了 最好多預幾條 預算BB嘔奶 / 爆屎爆尿可以及時有多幾條替換唷!! 沖涼擦身毛巾 最好就簡d幾層厚又柔軟既大紗巾 我簡既係高密度6層多功能紗布巾 用純棉製造 所以質地真係好柔軟 我地買左4條唔同圖案 剔除沖涼 其實都可以用係其他用途上   「食」方面: 奶樽我一早就睇中左Dr. Betta 主要因為佢有防漲氣功能 特別樽身設計又可以減低bb有中耳炎機率 最重要既係 奶樽花紋圖案實在係太太太太太太太太美了!!!!!!!!!!!!!!!! 真係忍唔到手入手幾個靚圖案奶樽 最近佢地仲同Atelier Choux 合同聯合推出奶樽!! 好夢幻DESIGN!! 另外因為BABYLAU係屬鼠 我都買了一個2020年老鼠特別版奶樽XD 所以話媽媽/ BB 錢真係好易賺... 而消毒機 PAPALAU比較完之後簡左HAENIM 第4代 呢款消毒機係最新款 比第3代更好 全密封式設計UV光線會係機內反射 360度消毒唒所有物件 (第3代有個大窗唷) 另外 第3代係唔可以長期將奶樽放係機內 但第4代係可以的 因為每隔一段時間佢就會自動再消毒一次 因為低溫消毒 剔除奶樽 牙膠、布、書仔、公仔.... 都可以放入消毒機UV消毒的 但我個人比較建議跟集中消毒放入口既物件 唔想好似咩都塞唒入去 好似唔係咁好咁... 學習水杯 朋友大推COMBI TETEO學習水杯 佢分左唔同階段訓練BB使用水杯 我地係香港買左1-3號 PAPALAU就係日本買左4-6 (4-6我地買左一個自己鐘意既水杯再換上配件) PAPALAU好專心為BABYLAU選擇中.... 哈哈   「住」方面: 最主要都係睇番個人喜好、地方而去選擇番合適既BB床同各款床上用品 我選購既 0/3 BB床可以訓到4歲 其中一邊床欄係可以拆落黎等BB大左訓練佢地上床落床:)   「行」方面: BB車PAPALAU經過一輪比較之後 佢幫BABYLAU簡左CHICCO既BRAVO'' 我地鐘意佢車身高 (真!夠離地) 同埋車轆都大避震功能都好好 BRAVO一SET已經有埋BB籃可以裝係BB車度的 (BB面向爸爸媽媽) 而都有CAR SEAT座 可以將BB籃裝係座度用係於汽車上使用 當BB大左 就可以換另一個配件 1-4歲使用既SEAT位 而安裝都好方便 BRAVO算係一架多功能既BB車 但都有朋友提出太大 如果去旅行就唔方便 可能到時要再買士的車了 揹帶PAPALAU簡左韓國品牌DAIICHI 全因為佢除左包得BB好坐得舒服之外 最主要有照顧埋使用揹帶既爸爸媽媽 因為REGIN本身腰骨唔好 好易腰痛 DAIICHI揹帶護背護腰上做得唔錯的 餵奶巾其實方間都有好多唔同選擇 我係咁岩上網時見到推廣而買左SWEET MOMMY既餵奶巾 同樣地都係因為款好靚..... 哈哈 另外 仲訂多左套和服衫仔比BABYLAU等佢大D既時候著!! 實在太靚 忍唔住訂左..... 「其他」方面: BB洗衣液朋友大大推薦 THE LAUNDRESS 純天然利用酵素清洗衣服 又有一陣陣微香的爽身粉味 最主要手洗的話每次只需要用上一個瓶蓋份量就可以了 一支真係可以用上好耐 我仲買埋柔順劑唷 量體溫計我地簡左百靈牌紅外線額探體溫器 主要係怕BB一開始唔習慣耳探 又怕真係要量體溫好易嘈醒到佢 剔除量體溫 BNT 400 呢個型號仲可以測水溫 係同BB沖涼之後可以CHECK埋溫度合唔合適 唔怕靠估估下用手去試 始終大人覺得暖時可能對BB黎講太熱都未定 用電子儀器CHECK埋更好更安心啦!!! 今次既記錄同分享暫時係咁多了:) 準備左咁耐.... 真係好期待BABYLAU出黎個日!! (不過... 都係足月好XD) REGIN其他小BLOG: https://wow.esdlife.com/reginb