副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

煮媽媽 - 台式煎蛋餅

由前個星期開始, 我lunch盡量唔煮飯, 盡量整D其他野食 (煮飯煮到厭世........) 咁啱有朝睇旅遊節目食台式煎蛋餅~ 喔~ 好懷念啊~~~ 跟住就整咗一次, 點知由0個日開始, 差唔多隔2

由前個星期開始, 我lunch盡量唔煮飯, 盡量整D其他野食 (煮飯煮到厭世........) 咁啱有朝睇旅遊節目食台式煎蛋餅~ 喔~ 好懷念啊~~~ 跟住就整咗一次, 點知由0個日開始, 差唔多隔2日米豬就走埋嚟"媽媽我想食煎蛋蛋餅~~~~" 結果短短2星期, 整咗6次........ 整到我已經唔駛度住D份量, 憑記憶就整到XDD 今日同大家分享吓呢個簡單方便快捷又可以重拾遊台滋味ge煎蛋餅啦~   材料: 麵粉 75g 木薯粉 1湯匙 鹽 一小撮 水 110ml 蔥 1棵 蛋 1隻 火腿 1片 芝士 1片 或 芝士碎2湯匙 應該好多人屋企都有呢D食材吧~   做法: 1. 蔥洗淨後去根切粒, 火腿卷起後切粒備用 2. 麵粉, 木薯片, 鹽拌勻後先加入一半水開成漿, 再加水攪拌至小小杰身的粉漿, 加蔥粒入粉漿中, 拌勻備用 3. 平底鑊中火燒熱, 落油, 油熱後落粉漿, 搖動隻鑊令粉漿勻衡舖滿鑊面 4. 煎至7成熟後, 落蛋, 原隻打落去, 再用筷子撩散 (小心唔好督穿個餅)  5. 蛋液開始熟(如圖), 就可以舖火腿碎入去  6. 舖約1/4闊  7. 再加入芝士, 煮多2-3分鐘  8. 用鑊鏟將蛋餅慢慢摺起  9. 我呢個摺咗3次~  10. 切件食得~   完成~~~  點解唔擺低影? 因為一放落枱有人搶呀!!!   米豬: 媽媽我食咗~~~~~~~~  去到邊都要食煎蛋餅. 係咪台灣人嚟ga你??   煮食小貼士: 1. 冇木薯粉唔落都OK ga, 只係冇咁煙靭, 唔影響味道 (因為有次唔記得落) 2. 餡料繼續freestyle, 正宗台式係用肉鬆, 煙肉之類, 但我屋企冇, 就拎咗火腿喇~ 任何已煮熟可撕碎肉類都可以做餡 3. 蛋一定要直接打落餅度再撥散, 唔好打勻咗先倒落去, 完全唔同feel 4. 若可以配豆漿我會感到完美小小~ 可惜屋企冇~   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/