每朝起身疑神疑鬼，總係懷疑自己好似病病地、斷六親、家中孩子的爭吵聲陪增、得口罩得友誼 ... 來形容而家的心情，唔知大家有冇共鳴？   1. 每早的「驚恐症」： 每朝起身疑神疑鬼，總係懷疑自己好似病病地：硬係好似有口喉嚨痛呀、有少少鼻水等病徵咁！ ... 雖然病徵會係起身 5-10 分鐘後 ~ 自動消失！       2. 斷六親： 尤其係家有年紀較老的長輩、New Born BB 等 高危「二」族 ... 初時話初三團拜、之後改初八週末、之後再改一個禮拜後睇睇 ... 結果，個「New Born」BB話咁快已滿月了！       3. 孩子們的爭吵聲陪增！ 「關係幾好的兄弟姐妹，都總會有吵架嘅時候 ... 」 以前孩子們就算同校，一齊返學、唔同班、放咗學至見。 而家已轉24小時留家制！朝對口晚對面太多，就算真係相處好、「同住」都難呀！   4. 「天氣咁好，又唔俾人放風喎！」 又唔見暑假天氣可以咁正，乾爽温度適宜！出街行下一流！行山就更 ... 之不過，近期行山嘅人數，係多過喺商場嘅 ... 小心小心！       5. 百物加價： 已不知由幾時開始，係超市D貨由「實有特價」，轉成無貨、再變成有小量貨但「正價發售」、之後有貨番但已成為「恒常正價」。就係咁，靜靜地 ... 變相又加咗價了！     6. 全城盡戴口罩，唯獨 ... 於公共交通工具、上班、下班、工作開會中，我們都必戴口罩。唯獨午飯時段，人人又要除下一罩！你知啦，午飯黃金時段，好多時都要搭枱 .. 而食飯時，大家也難免會發生「讓口水飛」的場片 ... 唉，有時真係冇得唸太多！        7. 「口罩」見真情： 講到「口罩」，唔知大家有冇相同嘅經驗 ... 就係喺 Facebook 總係見到好多賣 Mask 嘅 Link，價錢又合理個隻！但每每到開售時，10am、3pm ... 硬係 click 極都 click 唔入！結果梗係 ~ 買唔到啦！   幸好都係友儕之間，互相配給。相信去到呢個時勢，大家嘅存貨不能說多，只係可以用住先嗰隻。捐出自己嗰 D，俾朋友頂住先、自己搵到 source，就幫朋友訂埋。見真友誼也！ 希望遲D 3月中 D口罩返到貨，D價格同貨源都唔會咁緊張啦！      8. 算吧！賺了 3個月 24小時相對的親子光陰 ... 若果你是全職媽媽、或能 Home Office 工作，恭喜你了！真難得這段 24小時可朝夕相對的親子時間了！上回 ~ 應該是 ... 自産假的時候？或孩子讀 PN 以前？   之後彼此的日子，不是你有你的學習忙碌、便是我有我的上班生涯！回家親子的時間是每天數小時吧，還未扣除那些功課時間！     當然現在那些「玩具 – 殺戮戰場」情景天天上演，和爸媽代教的網上功課，也不容易呀！ 但這段時間，不用朝朝早起趕校巴返學，孩子也無需限時於放學及補習後，趕完功課。將來回想起，這段日日 P.J.（Pajamas）派對的日子回憶，相信我們也會覺得來得不易呀！   最後祝大家身體健康，全球盡快抗疫成功！     文 、圖： 曾媽三寶   延伸閱讀 : 尋訪港島區八大隱世公園 ~ 人少D、玩都玩得安心D .. 瀑布、古堡、探洞、大沙灘 - 梅窩上山下海避世小郊遊記 我們的「全城抗疫」小記（正向版） 我們的「全城抗疫」小記（下） 告別「COVID-19 ... 」的日子 - 重新出發面對新挑戰 ... 新冠肺炎「第三波」再現 ...   「 親子遊踪」Blog: TsangMama3b.blogspot.com Yahoo 親子頻道 (香港媽咪幫/MamiBuy) -駐站部落客: https://mamibuy.com.hk/home/14827 Babykingdom, 親子王國 (BK Milk) -駐站作者: https://www.baby-kingdom.com/育兒成長/KOL/曾媽三寶-544 WeShare HK 親子 - 博客: http://www.weshare.hk/TsangMama3B MamiDaily (Press Logic ) - Bloggers 專欄: https://mamidaily.com/article/51793/尋找那些年的回憶-虎豹別墅變樂圃 「 親子日誌」FB 專頁: 曾媽三寶