副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽玩具箱:必買的入錢錢豬

豆沙媽媽覺得買玩具其實有時好難,唔係士旦買就得 (有時買的,其實係豆沙媽媽自己想玩)

豆沙媽媽覺得買玩具其實有時好難,唔係士旦買就得 (有時買的,其實係豆沙媽媽自己想玩) 話晒第一次做人父母,真係唔會有一個 clear guideline 教你點揀玩具俾BB, 但唔同月份的BB又有唔同發展需要,又以至玩具都有唔同要求 買錯又怕蹝錢,錢都唔緊要,買咗佢唔玩,掉又唔係,俾人又唔係,又怕佢有一日會玩番,但又阻咗個位(你知啦,香港地地方淺窄...下刪100字) 同埋我地好好彩,遇到好有heart 的職業治療師,係買玩具上俾咗好多tips我地 所以想寫下玩具推介或反推介, 畢竟豆沙媽媽都真係交過D學費,可以學人指點下迷津 呢隻豬,作為豆沙的2 歲生日禮物其實有D遲, 因為佢寫其實半歲就已經玩得 呢隻豬係早B媽媽谷一出, 個個都話有買,仔仔女女都好鐘意玩, 係大熱之選 (其實豆沙媽媽自己無聊都會拎嚟玩) 咁點解佢係必買呢? 真係有好幾個原因. 但最主要係因為豆沙係歲半番威院職業治療時,有得玩呢隻豬,佢係咁玩入錢錢,唔肯停,玩到唔肯俾番治療師,而去協康會大口環做評估時,同一隻豬又再次出場 既然兩間治療評估機構都有用呢隻豬,咁一定好野嚟啦! 襯豆沙生日, 豆沙爸爸就買咗番嚟! 其實都驚豆沙嫌棄佢, 因為覺得對兩歲的小朋友嚟講好似有D 無聊, 事實證明我地諗多咗, 豆沙好鐘意佢,成日都同佢玩 其實呢隻豬的設計好好, 佢ge 原理係入錢落去就會有聲出,好吸引小朋友瘋狂入錢 如果BB係半歲, 可以咁樣放個錢,教BB推個錢入去 (隻sony angle 係亂入的) 再大D 就俾BB自己入, 係對手眼協調好好的訓練, 佢入錢個位有專登做長D,等小朋友易D入到 入一個錢錢,佢就會叫"ONE", 入第二個錢錢就會叫"TWO", 小朋友好易就識counting, 由one to ten 而入錢時會有個卡位, 小朋友手仔要俾小小力先推到入去, 係手部小肌肉用力的訓練 同埋按佢個鼻佢就會唱歌 佢有兩個stage,不過豆沙媽媽研究咗一輪都研究唔到有咩唔同 可能我地呢隻係舊款, 新款跟據amazon 的資料有40首歌,仲會教數數,西班牙文同顏色 佢另外有個設計好好就係好容易打開拎番D錢,打開時會叫"open", 亦都好容易閂番埋, 會叫"close" 同埋佢個開關設計係上向下開,一嚟好順手俾BB自己開閂, 二嚟無咁容易夾到手 (touch wood so far 豆沙無夾過), 三嚟D錢會自己冼出嚟, 四嚟, 小朋友可以自己打開,閂埋,完全唔駛大人幫(呢點好緊要, 唔駛下下叫大人) 呢一個睇落簡單的玩具其實都好多野學到 手眼協調 - 訓練手仔要眇準先入得到個錢什入去 英文聆聽指令(雖然豆沙唔太明) 小肌肉發展 - 入錢要俾一定的力先推到個錢入去 學英文 - 豬豬淨係識講同唱英文 學顏色 - D錢錢有唔同顏色 學動物 - 每個錢錢有唔同動物 學數字 - 10個錢錢分別有1-10係上面 學counting - 一邊入錢,一邊數one to ten 仲會唱埋counting 的歌 學理財 - 錢錢要儲,同埋可以拎D 錢錢玩買野遊戲 絕對係值得投資的一個初階玩具, 可以由6個月玩到3歲,夠晒抵,又唔算貴(師奶上身) 至於係邊到買,豆沙爸爸喺係玩具反反城買,不過amazon / 網店 / BB店都有見過, 大家可以自己去望下呀 自己個小朋友大咗唔啱玩, 都可以買嚟送俾朋友親戚呀,包唔會買錯呀