副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽閱讀報告: Lost and Found (繪本)

愛上呢本書其實係機緣巧合 話說有一次上網係英國買書番香港時,係 Waterstone 唔知自己亂㩒過啲咩 㩒到無野可出,出咗呢個畫面 首先waterstone 呢間書局真係好有heart, 就算同樣係錯誤畫面佢都出一句野俾你 而本書叫Lost & Found亦同我個情況好夾, 因為我正正係佢個網頁到 LOST 咗 (當時無cap低,之後為咗寫blog, click 咗好耐,試嚟試去先搵到呢個畫面) 佢 quote 的只係 短短一句說話,但好有意思 人有時其實唔係迷失方向,佢其實可能只係覺得孤單 好有哲理的一句說話 跟住為咗寫blog又用手提試, 原來手機又有D 唔同 同樣是404 但呡個cute 好多 就係衝住佢quote 的個一句, 豆沙媽媽跟住就手痕係 bookpeople 順手訂咗呢本書番嚟 個故事好得意,講一個男仔有一日係屋企門口執到一隻企鵝,就想幫佢搵番主人,之後就諗方法送企鵝番屋企 首先佢帶住企鵝去失物認領處睇吓有無人唔見咗隻企鵝 咁,就緊係唔成功啦 個男仔周圍問人都無頭緒,唔知點算 有一日佢發現企鵝嚟自南極, 就決定親自帶企鵝去南極, 同企鵝一齊踏上旅程 劇透去到呢到就停啦 豆沙媽媽唔鍾意講晒成本書出嚟,講晒就無咗個感覺, 睇書最享受就係唔知個故仔點發展落去,嗰種估估下的感覺 所以個故事點發展落去就賣個關子,可以自己去圖書館借或者上youtude 睇啦 (https://www.youtube.com/watch?v=xNgh3Q58QoI 呢個youtube 片講晒成個故事,有大人留言過睇到喊) 個故仔好得意,由小朋友角度去寫故仔發展, 小朋友好易代入自己係個男仔,執到隻企鵝,身同感受 雖然個故仔好似好簡單,但好吸引小朋友一直追睇落去 而大人睇咗又會有一點點唔同的領悟 由於一睇鐘情,即刻搵下係咪一系列,有無其他書 原來 the boy 有成個系列,仲有set裝,好想睇埋呀!! 但暫時唔會再係英國訂書番嚟,唯有四圍搵嚟睇 香港公共圖書館原來都佢啲書 食完個 lunch 就即刻衝去借嚟睇, 行去英文書,搵JJ.JEF 就有晒呢個作者的書 呢個作者都好多產,而圖書館,就眼睇,間間都有作啲書,仲要唔只一本 The boy 系列暫時仲未睇晒,等疫情過咗,圖書館開番再努力搵嚟睇先得 作者的其他書都好好睇, 故事看似簡單,但充滿哲理,有機會再介紹 又咁講, 豆沙媽媽有時又覺得D繪本其實係畫俾大人睇