副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

幼兒食譜:什錦牛油果濃湯拌有機意粉

印象中好少用牛油果整食譜,

印象中好少用牛油果整食譜, 今次用佢黎做濃湯, 加餸料拌粉麵好適合。 呢個食譜由一歲開始去到大人都啱食, 湯底除左牛油果, 仲有椰菜花及牛奶,有營又軟滑, 其他配料閣下可以自由配搭, 我就主打蝦及雞肉粒,拌有機意粉。   《什錦牛油果濃湯拌有機意粉》   材料(2人份): 湯底: 牛油果1個 椰菜花5瓣 洋蔥1/4個 牛奶200ml(或配方奶) 水50ml   配料: 有機公仔意粉4湯匙 雞胸肉切小粒2湯匙 蝦仁5-6粒 粟米1小截切粟米粒 去皮甘荀1/4截切粒 西蘭花1瓣 *如不想加蝦,也可選擇加入肉碎或三文魚自己喜歡的)       今次用的是BrunoChoice幼兒有機公仔意粉, 有小熊,恐龍,太空及蝴蝶結圖案, 呢個牌子嘅粉有歐盟OF&G有機認證, 無添加鹽,色素及防腐。 當中三種顏色粉粉,由有機蕃茄、 有機菠菜及有機粗粒杜蘭小麥製造, 適合一歲以上食用。 而蝴蝶結粉就更加適合較細月齡嘅幼兒。       做法:   1. 煮滾一鍋水,放入意粉煮起, 期間攪拌一下免黏底,直至煮到8成熟後, 熄火蓋上蓋子焗15分鐘,直至意粉軟身,盛起備用。          2.西蘭花及椰菜花浸水半小時後,沖洗瀝乾水備用。     3. 椰菜花及洋蔥略切碎, 與西蘭花、粟米、甘荀同蒸15分鐘。           4. 熟牛油果去樣皮去核,切件備用。       5. 雞胸肉粒與蝦仁炒熟或預先蒸熟, 今次我選擇用了牛油煎香。盛起備用。           6. 西蘭花,甘荀,粟米蒸熟後, 切粒或切成喜歡的形狀, 牛油果也可留少量作裝飾。       7. 洋蔥與椰菜花蒸熟後, 與50ml熱水及律牛油果一齊打成蓉糊狀。         8. 再加入暖奶, 鹽(如需要)打成軟滑濃湯。 #軟滑度視乎自己超喜歡的口感加入牛奶,我則用了200ml。 #由於我用的是蒸煮連攪拌器,所以跟明火操作不同,如沒有此機器也可用明火蒸熟食材後,再轉入鍋內攪拌及加熱食用。         9. 完成攪拌後倒出,再加入配料及意粉即成。                 ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss