副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【馮太太懷孕經過】BB細3W、細細碼BB??屯門醫院全程跟足

懷孕好不容易終於捱到了中期,孕吐無再咁嚴重,甲狀腺指數都正常返。

懷孕好不容易終於捱到了中期,孕吐無再咁嚴重,甲狀腺指數都正常返。 16,7W時仲話係中碼BB,20周時照既結構都一切正常,但到左26周返屯門醫院產檢既時候,醫生摸我肚覺得我個肚比較細,所以就同我照左個好詳細既超聲波檢查,足足做了一個多小時!!! 最後發現BB肚圍細左2周,其他一切正常。但醫生說明BB肚圍細係營養不良先兆,而點解營養不良,暫時搵唔到原因,大多數係臍帶或胎盤老化等問題,但詳細既超聲波發現臍帶同胎盤都係正常運作,所以醫生要一直follow up我呢個case,要我兩星期後再返黎照超聲波,睇下BB長得如何,醫生亦提及如果BB唔長,最差既情況係要緊急開刀拎BB出黎。 我知道BB肚圍細左2W後,就唔多唔小都有d擔心,驚佢出世好輕,所以開始堅持每日兩隻烚蛋,一兩盒奶。同埋私家產檢時再同醫生講政府醫院發現我呢個既問題,不過私家醫生方面就同的講問題不大,叫我準時返政府到照。 到左兩星期後再返屯門醫院檢查,又係做了一小段時間超聲波檢查,確實BB係有增長,但肚圍都係細2W,當時都幾唔開心,因為個兩星期咁努力食蛋同飲奶,竟然未追到....之後我問醫生我要食d咩會好d?? 醫生話其實唔太關媽媽食幾多野事,因為BB唔吸收就係唔吸收,仲叫我唔好咁大壓力。跟住隔離位護士就話我都可以試下食多D野既,仲叫我加油~~~ 下次再返醫院照係三星期後 之後個次照同上次一樣,肚圍無追過,依然細2W...... 到左34W返去照超聲波,今次發現肚圍細左已經3W,手腳都要細1,2W......個刻個心情......忍住喊,問醫生可以點算?? 醫生答我要留意胎動,如果有日發現BB小郁左好多要即刻入院,同埋要有心理準備要催生,下次返黎照係37W,醫生話到時返黎傾下下一步要點做。。。。35W時搵了第二位私家醫生,問下佢專業既意見,醫生做完一系列檢查後,同我傾左一陣,佢比我既意見係 BB出世的確會不足磅,我要有心理準備BB出世要去兒科。另外叫我要相信政府醫生,依家只有聽佢地講。我未出到診所已經喊左出黎....覺得好似我點樣做都改變唔到咁,仲要愈來愈細..... 終於捱到去37W....當日我媽咪陪我去醫院,一直都有d心理準備會安排入院...  下午4點左右高級醫生幫我照超聲波,佢照完又睇下我之前D記錄,之後叫我過去坐低,同我講要安排我入院,明天早上催生,因為對比返我上次照超聲波,BB無再增長過!!! 心情好覆離,好緊張,去完個廁所打比老公佢都嚇一跳... 之後拎埋文件就上左A7產前房,禁食,第二朝催生。 最後催生兩日不成功,轉為緊急開刀,BB係37W4出世,2.05KG,一出世就被兒科接走了~~ 不過出世後醫生護士都讚BB佢食得好好,由一出世食15ML奶,到第4日出院,已經食緊40ML奶一餐啦! 想係到鼓勵同我有類似情況既媽媽,雖然叫你唔好咁擔心就假既,但醫生有樣野真係講得好岩,就係BB出到黎食奶追返磅其實一樣架咋,我囡囡佢出世2.05KG 跌出左生長線,到一個月個時已經3.24KG啦,仲比健康院醫生讚追磅追得好好,我仲非常感恩,我囡囡係一個好鍾意飲奶既BB,到依家四個月大,飲緊8安奶!!!體重6.5KG,生長線75 追返哂啦好感恩!!!! 照顧BB真係好不容易,各位媽媽,一齊加油!!!