副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽實用文: 早產出生日期點樣計?

其實呢篇早就要寫, 係早產父母的最基本知識

其實呢篇早就要寫, 係早產父母的最基本知識 早產bb會有兩個年齡,分別為   出生月齡/年齡 = 由出世日開始計 更正月齡/年齡 = 由預產期開始計   由於未足月,未到預產期就出世,對早b 嚟講, 用出世日期計佢係無意思 預產期係用 最後 m 到的日期計出嚟, 由m 到日起計40週,即係加280日就係bb的預產期 而豆沙時,醫生有根據 豆沙 超聲波 度到的size 而調整過,因為細粒而推遲咗兩日 而初生BB的一個星期,同大人的一個星期係差好遠。一星期, 初生BB已經可以重咗自己的10%,而大人係唔會重. 對於早產BB,好似豆沙咁,係媽咪個肚到住唔夠40週,差咗7週5日,其實同 同一日出世的足月bb比就會差好遠 而為咗更準確去觀察早產BB的發展,醫生會改用更正月齡/年齡. 豆沙的預產期係 12月頭,但佢10月頭就出咗世,唔夠40週, 32 週2 出世做咗早產BB 更正月齡/年齡就會由12 月頭計. 係醫學上,雖然佢10月頭就出咗世,但所有器官感官發展都未成熟,因為早咗兩個月出世,係媽咪個肚到住小咗7週5日。 所以睇佢發展,會用更正年齡計,當佢陀夠40週,去到12 月頭先當佢正式係一個發育好的bb 通常早產bb去到預產期各方面都會成熟好多,而通常都會係預產期之後就好快可以出院 豆沙沙係預產期後 住多咗20日就出得院,不過佢係比較跩,重得超級極度慢 簡單D,我地用個圖嚟講解 假設 今日 = 2020年4月1日 BB出生日期 = 2019年10月1 日 預產期 = 2019年12月1日 31週2 日出世, 早產咗8週5日 出生年齡 就會係6個月大, 而更正年齡 就係4個月大 咁呢 兩個日期分別有咩用呢 出生月齡/年齡 出世紙 所有證件 所有疫苗, 除咗第一枝乙型肝炎針, 係用重量計 到2.0kg 就打 報學校, 佢地唔會知bb早產 但俾唔俾佢咁早讀書係父母自己決定(一讀就十幾年,寧願俾佢玩多啲好過)   更正月齡/年齡 睇身高重量 生長線 睇智力發展 睇體能發展 加固 (一定要更正6個月,更正6個月,更正6個月) 零食/食物上的日期 玩具上的日期   BTW, 慶祝生日 係用晒兩個, 因為豆沙同豆沙媽都鐘意開party (又嚟老屈)   通常去到兩歲左右,足月b同早產b各樣發展的分別 就拉得好近,唔會差好遠 普遍兩歲後就唔會再用更正月齡/年齡 而係只用出生月齡/年齡   至於點樣睇生長線,睇下BB追成點,大家可以自己pot 嚟睇 for example  更正12m = 出世14m的豆沙係7.5kg 就好似下面個圖咁 更正嚟睇,就係3%-15%的中間 出世嚟睇,就係3% Only   至於對外公佈,其實好個人,但早產媽媽們間中都會討論下 早產bb 通常細粒, 一出街啲人就會估細佢好多, 試過更正九個月豆沙俾人問有無一百日大 通常豆沙媽咪的對策係咁 A>就咁Hi Bye的3唔識7路人甲問,我地會講佢更正月齡就算,不過唔講更正兩個字,因為普遍唔會識咩嚟,無時間詳細解釋 B>如果有耐性有時間,例如被困一程巴士,就會講埋佢早產咗兩個月 所以細粒啲,跟住又會講下早產b 係點, 講下豆沙訓咗成兩個月箱 通常 啲人就會話 睇唔出 bb好精靈咁  C>自己親戚朋友 有heart 就會再講多d,詳細解釋   結終早產並唔係唔見得光ge事,唔需要收收埋埋 同陌生人講咁多係想 等多啲人認識早產,了解多啲,總好過佢地對早產bb有偏見 希望一傳十,十傳百,等大家對早產BB有更多理解,對早產父母多d支持 其實早產b並唔可怕,最可怕係啲人唔認識,唔了解   正如豆沙媽媽寫blog 的初衷一樣 想盡一點棉力 幫下 預計會早產 或者早產 咗的bb 同佢地ge家庭 無忘初衷   Day 511 = 更正15M1D = 出生16M21D 的豆沙 Fashion ge 野 我爸爸最識 #deconstruction  #新玩具直立吸塵機 #豆沙花生騷 #VislyFashion http://www.facebook.com/vislyip 豆沙的小小page,懶媽媽不定期,但心血來潮就會更新 :P