副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

日煮夜煮!分享10款平靚正家常菜~

#今晚食乜餸 #家常小菜 #日煮夜煮 #留在家中

#今晚食乜餸 #家常小菜 #日煮夜煮 #留在家中 日日喺屋企煮,真係慳咗唔少⋯但係我就諗到頭都痛,今晚食乜餸啊?你哋有咩家常菜可以分享下,等媽媽們可以偷下師! 初媽先~分享10款平靚正家常菜 1️⃣紫菜包飯:呀仔其中一款最愛菜式,有菜有肉!每次都食清! 2️⃣茶餐廳橙色洋蔥汁 配氣炸雞扒蒜蓉炒西蘭花:多汁呀唔該!原來好易整!仲好好食,送飯一流! 洋蔥半個切絲 幾粒蒜蓉 雞湯250ml 牛油半粒麻雀咁大(加多啲香啲) 麵粉一匙羹 茄汁一至兩匙羹 1)開鑊落油蒜蓉同洋蔥炒香,加入雞湯煮5分鐘備用 2)熱鑊將牛油煮溶,加麵粉攪拌煮至糊狀 3)加回洋蔥雞湯煮滾,加茄汁攪拌完成 3️⃣粟米魚肚羹:同酒樓食嘅味道一樣,又係好易整!一大煲~平靚正! 金寶粟米湯一罐 滑豆腐半盒 炸魚肚一塊 (超市買現成的,已浸開) 雞湯/水500ml 雞蛋一隻 1)魚肚切粒、豆腐切粒備用 2)粟米湯加雞湯攪拌,加埋魚肚同豆腐 3)煮滾後加雞蛋攪拌成蛋花完成 *想杰身啲加少許生粉水 4️⃣蘑菇肉碎豆腐:多汁送多幾碗飯呀!小朋友都好啱食 蘑菇一盒 肉碎少許 滑豆腐半盒 雞湯250ml 蒜蓉少許 1)肉碎用少許豉油、生抽、麻油、糖、生粉醃15分鐘,蘑菇切片,豆腐切粒備用 2)開鑊熱少許油炒香蒜蓉同肉碎,再加蘑菇炒軟 3)加雞湯、豆腐、蒽粒煮滾完成,D汁唔夠杰可以加多少少生粉水 *幼兒調味可改用BB豉油、BB海鹽等 5️⃣蕃茄炒蛋:家常餸之一~酸酸甜甜好開胃! 6️⃣薯仔粒炒肉碎:好惹味又香口!又係送飯一流! 7️⃣沙嗲肥牛炒粉絲:粉絲吸收晒啲湯汁超正~ 8️⃣洋蔥炒牛仔骨:家常小炒~簡單好食! 9️⃣電飯煲餃子粥:喺日本電視節目見到用餃子煲飯,啲日本人話好好食,試吓餃子煲粥,都OK喎! ????合掌瓜海底椰煲豬骨:潤肺止咳,增強免疫力湯水~ Follow 埋 IG啦:https://www.instagram.com/chochomamami/ ———————————— 60款+幼兒菜式分享(不定時更新) https://www.facebook.com/chochomamami/posts/1156137214530144�