副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[小熊與薯片兔的生活日常] 早產嬰兒/bb用品準備

[小熊與薯片兔的生活日常] 早產嬰兒/bb用品準備

[小熊與薯片兔的生活日常] 早產嬰兒/bb用品準備 之前提到薯片兔妹妹早產,細細細細細粒.. 妹妹32週早產,出世收完水時只有1.85kg.. 喺醫院住到35週2天時出院(即係由出世起計第24日出院),出完時2.3kg左右..    由於早產bb,尿片對於佢黎講係好大問題,就算用零碼都偏大,唔岩著... Huggies 同 Pampers都有出早產嬰兒尿片,會比較岩身... 但就難買少少,一般藥房同各大連鎖店都冇入貨,要直接同Huggies或Pampers 買... 我就買左 Huggies早產嬰兒專用紙尿片俾妹妹用,因為可以在 HKTVMall 嘅Huggie香港官方網店訂,兩日就可以送貨到屋企..比較一下零碼尿片同早產嬰兒尿片,零碼真係大條好多.. 喺未收到早產嬰兒尿片之前,我俾妹妹用住零碼尿片先(因為喺各大藥房買到),細細粒bb用零碼尿片,要喺尿片邊向下摺一下,因為太鬆.. 尿片太鬆如果bb賴左便便會爆片... 收到早產嬰兒尿片後,真係好岩妹妹用,冇左爆片嘅煩惱...   到妹妹出院日,醫生建議我地要準俾早產/低體重兒增長配方奶粉 (應該雅培同美贊臣都有出,但美贊臣會較易買到).. 妹妹食人奶,但根據醫生拍示,就算食人奶都要喺人奶裡面加一茶匙配方奶粉,所以短期內,我都要做泵媽,泵奶出黎瓶餵妹妹... 由於唔係好多bb會食呢種奶粉,所以我地都行左好幾間鋪先買到美贊臣安嬰兒A+早產/低體重兒增長配方奶粉.. 百佳/惠康係冇入貨嘅,屈臣氏就只有比較大間嘅分店先有貨,萬寧就大部分分店都有貨但就貨量唔多... 另外,如果有時間等下,最方便係喺美贊臣官網/HKTVMall嘅美贊臣官方旗艦店訂,都係兩天送貨到屋企...   終於準備好所需要嘅早產bb用品,接左妹妹返屋企.. 返到屋企後,我地發現妹妹比較怕凍,連換片除開條包被時都打冷震 (可能因為早產bb身體比較弱,同埋喺醫院訓開保溫箱),所以我同爸爸為妹妹準備左暖風機,換衫換片時用...  希望妹妹繼續乖乖食奶同訓先,快高長大.. 產品: 1. 美贊臣安嬰兒A+早產/低體重兒增長配方奶粉 https://www.meadjohnson.com.hk/products/enfamil_stepup  2. Huggies早產嬰兒專用紙尿片 https://www.hk.huggies.com/zh-hk/products/diapers/preemie-diaper #早產嬰兒準備 #早產bb準備 #美贊臣 #Huggiesdiaper #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook: https://www.facebook.com/jaynjocemami/ 生活易靚太 club: https://wow.esdlife.com/bi_be 香港媽咪幫 mamibuy:小熊與薯片兔媽媽 https://mamibuy.com.hk/home/19407