副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

煮媽媽 - 焗豬扒飯

又到咗一鑊熟時間~ 冇計~ 煮到悶唯有望吓樓下大X樂menu有咩想食, 再自己整XD 焗豬的話其實我覺得大F活好食好多, 但樓下只有大X樂, 都係嗰句, 自己整開心好多~

又到咗一鑊熟時間~ 冇計~ 煮到悶唯有望吓樓下大X樂menu有咩想食, 再自己整XD 焗豬的話其實我覺得大F活好食好多, 但樓下只有大X樂, 都係嗰句, 自己整開心好多~   材料: 黑毛豬梅扒 4塊 白飯 3碗 乾蔥頭 2個 洋蔥 半個 蕃茄 1個 粟米 半條 本菇 半包(或蘑菇5隻) 甘筍 1條(細) 雞湯 100ml 雞蛋 2隻 芝士碎 4-5湯匙   調味料: 鹽 1/4茶匙 黑椒 一小撮 茄膏 2湯匙       做法: 1. 黑毛豬梅扒解凍後索乾水份, 在平底鑊以中火煎至2面金黃, 落鑊時灑上鹽及黑椒調味, 煎至7成熟(還有血水流出)後盛起備用 2. 洋蔥, 甘筍, 蕃茄切粒, 乾蔥頭切碎, 本菇洗淨後切一半成粒狀, 粟米起肉備用 3. 平底鑊煎蛋, 大約成形時加入白飯快炒                  炒完盛起備用   4. 中火燒熱油後落乾蔥頭, 爆香後落洋蔥炒至軟身, 再加入甘筍粒, 一半粟米粒, 一半本菇及一半蕃茄粒, 炒勻後加入茄膏  5. 全部炒軟後加入炒飯, 炒勻盛入焗盤備用, 預熱焗爐180度 6. 蕃茄, 粟米, 本菇炒香後加入雞湯, 放入黑毛豬扒煮2-3分鐘, 然後將豬扒放上焗盤上  7. 再加入所有汁料  8. 舖上大量芝士碎  9. 放入焗爐以180度焗4-5分鐘, 芝士變金黃色就食得 掛住的米豬執玩具, 焗多咗2分鐘就燶燶地....   米豬每次見到爸爸食焗豬就最鐘意立晒佢啲雜豆, 今次成碗又粟米又甘筍又菇, 唔駛打劫爸爸0個啲喇~     米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/