副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

踏入懷孕後期,一定要清胎毒! (無睇中醫,穩陣派媽媽分享)

踏入懷孕後期,開始卸貨倒數,準備進入大直路,除左執定入院「走佬袋」,預備炒米茶之外,準媽媽仲有咩可以做?

踏入懷孕後期,開始卸貨倒數,準備進入大直路,除左執定入院「走佬袋」,預備炒米茶之外,準媽媽仲有咩可以做? 清胎毒、清胎毒、清胎毒! 重要的事要講三次,究竟清胎毒有咩咁重要? 胎毒即是熱毒,部分孕婦因進食燥熱食物、夜睡等原因產生胎火。據聞如果準媽媽胎火旺盛,嬰兒的皮膚亦比較容易受影響,甚至出現濕疹的情況…… 無論真假與否,為左孫姑娘皮膚著想,孫師奶亦有跟隨傳統清胎毒。  ★小小分享★  一般而言,孕婦懷孕8個月左右,待胎兒穩定,就可以適量進食一些比較寒涼的食物,例如: 西瓜、白蓮鬚、綠豆沙等等,有助清走體內的熱毒和濕熱。孫師奶主要食過以下幾款比較穩陣的食物清胎毒及預防黃疸,大概每個星期2-3次: 1. 豆腐竹蛋糖水  (有人會落薏米,但薏米比較寒涼,孫師奶無落) – 長輩話臨生之前食腐竹蛋糖水除左可以令BB皮膚靚之外,有助生得舒服少少。 2. 黑芝麻糊 (無糖,食得安心,以免妊娠糖尿) - 補鈣補腦,可以令BB頭髮同皮膚靚靚,有助生得舒服少少。         3. 桑寄生蓮子蛋茶 (好滋補的糖水,第一次飲,味道比我想像中好) – 補腎補血,性質溫和。 4. 蒲桃乾水 - 同事介紹,比較少聽人提起,孫師奶上網尋根究底之後發現蒲桃乾原來好有益。性質比較溫和,安胎之餘又可以清胎毒,據聞仲有醫濕疹的作用。  5. 豆腐花 / 綠豆沙 – 孫師奶臨生之前食過一次,純粹係任性地想食:)   雖然好多人提議我食西瓜,但孫姑娘的預產期係一月,當時西瓜不合時宜,一月食西瓜感覺怪怪的,所以我無食西瓜…… 孫師奶本身無睇開中醫調理,唔想貿貿然去搵一個同自己未必夾的中醫師,,於是乎一切從簡,以上食物都係性質比較溫和穩陣的,同清胎毒未必有好直接的關係,穩陣起見一切太寒涼的食物也沒有進食。除此之外,孫師奶喺整個孕期都算幾乖,戒口戒得幾清,連自己好鍾意的黑咖啡、黑朱古力、煎炸食物都儘量忍口唔食……當然準媽媽保持心境開朗都非常重要啦:) 唔知同清胎毒有無關係,好感恩孫姑娘一出世已經好白淨,皮膚唔錯,亦無黃疸的問題。   PS. 每個人的體質都唔同,唔好胡亂進食,進食之前最好問過醫生或自己上網做下功課,咁就食得安心。 -------------------------------------------------------------------------------- ♡孫師奶♡ 80後女生 l 香港媽媽 l 加拿大移民 https://www.facebook.com/workingmamabyemi