副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

《疫情下生BB》公務員生BB,去公立醫院生定係私家生好?

知道有左Emma開始,一直都係私家醫生到檢查覆診,亦諗住喺私家醫院生。 但老公一直都想我喺公立醫院生,因為享有公務員福利,只係需要俾300幾蚊一日,已經可以住私家二等房或者頭等房(貴啲啲),環境服務質

知道有左Emma開始,一直都係私家醫生到檢查覆診,亦諗住喺私家醫院生。 但老公一直都想我喺公立醫院生,因為享有公務員福利,只係需要俾300幾蚊一日,已經可以住私家二等房或者頭等房(貴啲啲),環境服務質素甚至好過某啲私家醫院,因為最多都係三個人一間房,大多數都係兩個人一間房。我猶疑左好耐,考慮左好多,直至懷孕去到八個幾月,決定喺QE生。因為疫情睇底下,有好多媽咪都轉去私家醫院生,所以公立醫院婦產科唔爆滿,有好多空位,所以我更加肯定自己可以轉到上去私家房,結果到我準備催生果日,入到去見到奇景, 成個婦產科大房幾十個床位,使用率只係得3成。以我喺一個鐘之後就被安排轉上去私家房。入到去仲開心,明明喺兩個人一間房變左而家得我自己一個人,間房好大,夜晚仲可以睇到幻彩永香江,又有獨立洗手間, 又有電視, 姑娘仲會比餐單,你可以自行選擇1日三餐食啲咩, 又有湯又有甜品,甜品一啲都唔hea, 有雪糕有芭菲簡。 講真,俾幾萬蚊或者十萬蚊係私家醫院生都都係住六人房或者三人房,喺咁擠迫多人嘅情況下仲危險仲驚。宜家只係俾幾百蚊一晚已經可以自己一個人一間房,個人冇咁驚冇咁擔心,心情都好D生產都順利啲。 都係果句,交左稅做咩唔享受返應有嘅福利呢~! *如果你都係公務員/家屬 記得唔好浪費福利! 不過千其唔好濫用呀~   更多分享請follow:  IG: http://Www.instagram.com/pianj_sasa FB: http://Www.facebook.com/laugaga2019 <我係音樂媽媽> 獲奧大利莫札特大學音樂及舞蹈教師資歷 | 教育局教師中心客席音樂講師 | 澳洲奧福協會奧福音樂證書 | 匈牙利高大宜音樂證書 | 演講超過100場講座工作坊 | 教學超過20年 | 教授超過5000 位學生| 培訓超過100間學生老師    Emma IG: http://instagram.com/emmalau221