副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

幼兒食譜:雜菜芝士三文魚蛋批

可以焗! 可以氣炸! 也可以蒸!

可以焗! 可以氣炸! 也可以蒸! 終於寫起呢款幼兒食譜, 雜菜芝士三文魚蛋批, 亦係近期細啲嘅BB都可以食嘅一款, 其實之前都試過蒸蛋餅, 但因步驟盡量簡化所以口感都唔會話好滑, 不過今次呢款蛋批就唔同,  因為加咗牛奶同麵粉,所以口感滑滑哋, 但亦都有啲質感去撐起極整個批,  材料方面小朋友最啱,  如果大人想食得滋味啲, 更可以加入煙肉火腿做材料。 今次試左氣炸好惹味,  亦試左直接隔水蒸, 比較細嘅BB食都可以食, 小朋友食一兩隻已經好飽肚。   「幼兒食譜 : 雜菜芝士三文魚蛋批」   主要材料(圖中8小個份量):   低筋粉45克 牛奶75ml 蛋2隻 生油或溶牛油一茶匙   調味料:   鹽一茶匙 黑胡椒一茶匙(也可以唔落)   配料(按個人喜歡預備):   車打芝士適量 車厘茄約10粒 西蘭花2至3朵 洋蔥一角 甘荀一小截 三文魚柳約100克       另外預備煎焗紙做小杯。 唔知大家以前有無摺過小船仔,  今次我就係用摺小船嘅方法, 將兩層煎焗紙摺出8隻長方小杯子, 因為煎焗紙比較薄,所以蛋批容易熟, 而且細細隻杯子小朋友自己都可以拎住食。     預備:   1. 先略煮西蘭花及甘荀,不要過份煮熟,剛軟身便可。     2. 西蘭花切小朵,甘荀切小方粒, 車厘茄 一些切片,一些開四瓣。     3. 三文魚柳切粒,洋蔥及芝士切碎。     做法: 1. 雞蛋及牛奶混合攪拌。       2. 分2次篩入麵粉攪拌成蛋糊。       3.再加入油、鹽及黑椒攪拌。       4. 把蛋糊倒入杯子的一半份量。         5. 再加入芝士碎、洋蔥碎、甘荀粒、 三文魚粒、車厘茄及西蘭花。           氣炸法: 預熱3分鐘,放入蛋批, 每個要有一些距離,封頂,200度氣炸8分即成。 因為我無焗爐,但如果焗的話, 你們也可以試試180度至185度焗12-14分鐘, 或用牙簽插入蛋液拉出目測, 完成後記得來同大家分享準確時間呀。           隔水蒸法: 水滾後,放入蛋批,大火蒸9至10分即成。             ************************** ~ 許許與小BELLA ~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss