副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【媽咪二次懷孕20W】踏入妊娠糖尿臨界點指數,緊急計劃開始!

今次主要想分享比各位發覺自己開始踏上妊娠糖尿境界線的孕媽咪,繼上次我照完結構超聲波後,醫生同我講胎水水平比較高,22以上為超標,我當時去到21.7,所以醫生特別叫我留意,而稍後報告到時都要帶返健康院產

今次主要想分享比各位發覺自己開始踏上妊娠糖尿境界線的孕媽咪,繼上次我照完結構超聲波後,醫生同我講胎水水平比較高,22以上為超標,我當時去到21.7,所以醫生特別叫我留意,而稍後報告到時都要帶返健康院產檢時比姑娘睇埋。   大家都知如果有妊娠糖尿就要進行甜到傻既糖水測試,確認後就要跟足建議餐單進食。而當然最驚演變成妊娠毒血,大大增加分娩風險。所以目前我要訂好自己改善計劃減少患妊娠糖尿的機會!       因為我第一胎無經歷過妊娠糖尿,所以我都上網搵咗一大堆資料,以下可以先分享三個相關網站比大家參考: 香港家計會 - 妊娠糖尿的了解 香港糖尿協會的碳水化合物計算法 GI與熱量飲食表 升糖指數   就我上網睇既資料,唔一定因為懷孕食多咗高糖份食物而出現妊娠糖尿;有機會因為高齡產婦、家族有糖尿病病歷、肥胖等等因素;而另一種純粹因懷孕,身體荷爾蒙有所改變,引致胰島素出現異常,令孕媽咪身體無辦法好似平時咁盡情消耗食物的糖份,所以血糖先會過高,不過無論邊種大家都要注意返呀!     講開妊娠糖尿就要講GI值,即指食物升糖指數幅度,低GI值食物消化後唔容易令血糖上升;高GI值就岩岩相反,好似我咁踏入臨界點又或者已經有妊娠糖尿既孕媽咪可以多選擇GI值低食物,會幫助血糖上升下降幅度較平穏,咁就唔會因為血糖水平升同跌較快而成日想食嘢!     我的改善計劃開始! 首先我參考其他孕媽咪分享由醫院或者健康院提供的妊娠糖尿餐單! 第一步,慢慢減少攝取高GI值食物,好似純白飯、白面包、粥等等,我睇返GI值參考量先知,原來米粉屬於中升糖指數食物,我之前應該同白飯差好遠,所以愈食愈多,好快食完無耐又肚餓,變相形成一個惡性循環添!   主食份量方面的改變,以前我會食細半碗飯,宜家會再減少份量,再加燕麥飯一齊食,增加膳食纖細量。午餐會以意粉或者通粉類代替較高GI的主食量;另外我會食更多蔬菜同蛋白質(肉類及蛋類)去取代返飯粉面的份量。如果唔食燕麥米可用紅米、糙米代替! 依碗係我老公既份量,唔係我嫁XD   增加每日吸收纖維量,蔬菜份量增加,宜家午餐至晚餐我都至少有半碗至碗半菜量,另外都增加咗高纖蔬菜作為餐同餐之間的零食,好似超有益的毛豆:防便秘、高纖、富蛋白質,所以我都好鍾意食!     第二步,由一日三餐變成少食多餐,每餐見飽即停,將餘下的量留返稍後先再食。雖然少食多餐,不過份量都照返正常咁!實行第一二步頭一兩日我都好唔慣,不過慢慢調整返胃口,個人無咁易肚餓,無食到咁飽,肚皮無扯得咁緊,依方面真係輕鬆咗!   第三步,停食所有零食及飲品、減少進食精製蛋糕等食物,增加較低糖水果既吸收量,自從有咗我特別想飲朱古力奶,不過宜家都停晒!口痕想食嘢就食天然無加工的堅果又或者較少糖及碳水化合物的餅乾;而早餐食開白面包可以轉全麥或半麥面包!水果方面可以食蘋果、橙、奇異果等等代替西瓜、香蕉、芒果等高GI值水果。   第四步,增加自己的飲水量,孕期第二個月至第五個月我胃口都好差,所以我係完全唔想飲水,不過慢慢變到成日好口渴。宜家我見胃口好返啲,都即刻大大增加返飲水量!   第五步,有氧運動調節,宜家香港正值肺炎,所以我都好少出街,不過係屋企都可以做吓運動。宜家每餐食完嘢我都同筋肉寶寶係屋企散步,消耗多餘的血糖,又可以同筋肉寶寶放下電!   我散步的時間每次約30至60分鐘,時間大家要按自己身體而定,如果出現頭暈、氣喘、唔舒服就要暫停!第一日朝早我散步1小時,中午同夜上各30分鐘散步;我會再慢慢提高運動時間,不過覺得口渴就要停停飲水,適時補充水份都好緊要!   簡單帶氧運動可以消耗多餘血糖、幫助消化,減低患妊娠糖尿的機會,就算只係普通散步,我覺得身體都舒服咗,特別係懷孕引起的腰骨唔舒服添,所以我一定持之以恆繼續嫁!   自費做孕婦糖尿測試! 另外我睇過其他媽咪分享自費做孕婦糖尿測試,不過我好快要返健康院產檢,姑娘知道我的胎水水平後,有機會會叫我做「糖水測試」,所以我暫時先Hold一Hold,睇健康院安排再定,不過暫時性亦要由自己做起先! 自費威院早孕期妊娠毒血症篩查! 威院有提供11-12週進行的早孕期妊娠毒血症篩查,早啲Check等自己同醫院都有預備,對自己同BB就更有保障啦!早孕期妊娠毒血症篩查   另外都有孕媽咪send咗一啲孕婦瑜伽video比我做參考,依個我下次再同大家分享!希望以上都幫到各位想控制好血糖的孕媽咪呀!   懷孕中看到筋肉寶寶的成長,令我更期待二胎BB的加入! 我第一胎上奶母乳經歷分享: 筋肉寶寶養育記(1M) - 我的慢版人奶心路歷程 筋肉寶寶養育記(2M) - 餵人奶必備用品List 筋肉寶寶養育記 (3M) - 人奶媽媽生病了   我既第一胎威院分娩記:威院分娩記(下篇) 之 二次入院之28小時生仔過程 想睇第一胎懷孕歷程都可以入以上連結睇睇!   二胎懷孕日記分享: 【媽咪二次懷孕5W】兩胎有什麼分別? 【媽咪二次懷孕5W】26個月的母乳媽咪之路完工啦!! 【媽咪二次懷孕6W】終於照第一次超聲波啦! 【媽咪二次懷孕6W】久違!超可怕的孕吐終於來到了!! 【媽咪二次懷孕8W】 與你私心分享我的孕期皮膚保養品! 【媽咪二次懷孕8W】有勇氣再一次經歷.. 懷孕至分娩的過程 【媽咪二次懷孕12W】超詳細版!公立醫院孕婦特別付費檢查一覽 【媽咪二次懷孕13W】第一次及第二次健康院產檢及到公立醫院做 【媽咪二次懷孕20W】踏入妊娠糖尿臨界點指數,緊急計劃開始! 【媽咪二次懷孕20W】與你分享不同懷孕時期需要什麼營養! 【媽咪二次懷孕21W】中期結構超聲波!話你知有咩要注意啦! 【媽咪二次懷孕27W】大肚都要有機護膚嫁 X 分享超詳細14日體驗! 【媽咪二次懷孕30W】懷孕迷思,兩胎最好隔幾遠? 【媽咪二次懷孕30W】 陀男陀女大不同?! 【媽咪二次懷孕31W】努力做運動,準備打大佬! 【媽咪二次懷孕32W】懷孕血壓低岩飲!女人恩物!桑寄生雞蛋茶 【媽咪二次懷孕33W】超級懶人版威院走佬袋list!   每週小煮意食譜、二寶日常點滴、親子好去處、大家記得要follow呀! 喜歡玩IG的朋友記得Follow:kylife.babies  面書專頁:Kylife與二寶之日常 ***自家製健康菜式食譜*** 好味粢飯、少油足料雞札、野味麻油手撕雞、超大粒三色燒賣   ***滋潤湯水及糖水食譜*** 養顏滋潤桃膠糖水 潤肺潤喉!蘋果雪梨雪耳湯 增強抵抗力!北芪黨蔘豬展湯 潤肺補腦!南瓜腰果百合雪耳湯 健脾益氣!益肺益腎!淮山豬展湯 健脾開胃補腎!合掌瓜栗子腰果素湯   ***養生食譜分享*** 護眼!冬菇肉碎釀茄子 鈣質Upup!豆腐炆鯇魚 富維他命C及增強抵抗力!三色椒炒肉片 ***超簡單兩款材料搞掂一個菜*** 蒸餸食譜:冬瓜煮肉碎、簡單肉碎蒸滑水蛋、$18魚肉豆腐老少平安 香煎食譜:魚肉煎豆腐、香煎金黃色蕃薯餅、$18有口感馬蹄煎魚餅 $20香口蓮藕煎魚餅 香炒食譜:5分鐘搞掂!節瓜炒蛋、爽口簡單炒三絲、唔辣野味版螞蟻上樹   ***閒時煮飯外的方便選擇*** 雜錦炒飯、家鄉炒米粉、電飯煲雞肉懶人飯、小油版雜錦炒伊面