副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

小朋友版偽水牛城雞翼

冬甩自從三歲就唔再係小吃貨,近排屈喺屋企更正餐唔食只想食零食。每餐搲爆頭都唔知煮乜好,然後仲要接受佢每一句「唔食」嘅打擊。雞翼總算是佢嘅必食item,之前收到朋友分享嘅二十道雞翼唔係道道都啱口味,唯有

冬甩自從三歲就唔再係小吃貨,近排屈喺屋企更正餐唔食只想食零食。每餐搲爆頭都唔知煮乜好,然後仲要接受佢每一句「唔食」嘅打擊。雞翼總算是佢嘅必食item,之前收到朋友分享嘅二十道雞翼唔係道道都啱口味,唯有自創啦! 一定要寫低呢個自創嘅超簡單偽水牛城汁!冬甩清曬成碗飯啊!好耐好耐好耐無試過主動食曬喇! 小朋友版係走辣,大人食嗰陣自己點辣汁,或者可以將汁料分一半再加入辣汁再煮。 材料 雞翼⋯⋯10隻 醃料 蒜頭⋯⋯⋯三瓣 鹽⋯⋯⋯1/4 茶匙 黑胡椒粉⋯少許 汁料 FruchtBar有機即食茄醬 – 蕃茄甘筍香草⋯⋯1/2包 白醋⋯⋯2湯匙 糖⋯⋯⋯1茶匙 水⋯⋯⋯100ml 生粉⋯⋯適量 ①雞翼汆水瀝乾,用醃料醃雞翼最少一小時, 煎香兩邊備用。 ②茄醬同白醋煮至冇咗白醋陣攻鼻嘅酸味,然後加糖攪勻。 ③細火煮30分鐘,冚蓋焗30分鐘(冬甩同冬薑瞓晏覺瞓到7點幾8點,我焗咗成個鐘) (上次用焗爐焗唔入味,今次用炆煮入味好多,不過雞鎚好鞋) ④臨食飯煮熱加入生粉水攪至杰身 (我冇煮到好杰,因為啲汁要畀冬甩撈飯。我仲加入半個番茄煮,等個女唔覺意食埋) 我仲用咗少少嚟煮妹妹嘅晚餐——番茄蝦仁西芹彩椒無骨雞翼飯╮(╯▽╰)╭唔好理有幾九唔搭八,冬薑妹妹舔舔脷食晒成碗(16oz嘅2/3左右)。 #偽水牛城雞翼 #fruchtbar #茄醬 #有機 #抗疫日常 #mamablogger #blogger #blog #媽媽日常 #親子 #育兒日記 #hkblogger #babyblogger #hkmama #全職媽媽 #fulltimemom #二寶媽 #momoftwo #全職bb聯盟 #whatsupdonut   冬甩冬薑媽媽全職照顧一家七口兩大兩小三隻貓,每日以女兒「食曬碗飯」為目標,不停鑽研新菜式,由昔日的「無飯」太太搖身一變成為煮到幾味嘅合格廚娘!  想知更多冬甩冬薑的日常趣事,歡迎 follow 【小貓奴冬甩冬薑】 Facebook 和 Instagram 喔! www.facebook.com/gingerdonut |www.instagram.com/gingerdonuthk