因為疫情關係，綿綿無得出去上playgroup, 所以係屋企會盡量諗多d親子活動及有趣味性既遊戲，陪玩多d, 學習多d, 就算日常生活中既鎖碎事， 都有好多野可以學架， 係安全情況下，例如幫媽媽做一d簡單家務，小朋友可以做小助手，幫手拎野， 綿綿有份做會特別興奮及有滿足感，所以小朋友陪養自我肯定及建立自信心都十分重要。現在睇下有乜野活動可以鍛鍊綿綿手部肌肉？ 食野方面，除了學習自已用餐具外，其實剝蛋殼都唔錯，可以訓練小手肌，自已剝比自已食特別好味呀~ 貼貼紙除了可訓練小手肌外， 仲可以令綿綿多動腦筋 夾波波呢個遊戲都唔錯，綿綿玩得好開心，夾到好有成功感。再進一步可以學埋揸筷子呀 胡迪Woody 真係好夠義氣，為左比綿綿鍛鍊手指肌肉，任意比佢夾，完全不怕影響自已形像，真係好大犧牲！雖然呢個畫面好殘忍，無諗過呢個學習方法都唔錯， 綿綿都幾有創意~ 畫畫都係唔錯幾訓練， 雖然睇唔明綿綿畫乜，但見到佢揸筆似模似樣，都好開心呀！ 不經不覺綿綿剛踏入2歲，原來呢段時間小朋友學野真係好快， 所以真係要好好把握黄金期，培育自已小朋友, 不過最重要都係要有優良品德。能夠見住你開心快樂地成長，比任何野更重要呀。所以我會隨時隨地為你拍片拍照留諗，記錄每一個階段，將來都可以比你睇番呀~ 綿綿~媽媽永遠都咁愛你的！ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/