副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【請體諒媽媽翻天覆地的轉變】生咗BB之後一夜間變咗宮女+奶媽

唔喺想嚇親準備生BB嘅媽媽,但喺,過來人話俾我哋知,生BB之前真喺要有定個心理準備。

唔喺想嚇親準備生BB嘅媽媽,但喺,過來人話俾我哋知,生BB之前真喺要有定個心理準備。   冇錯,懷孕嘅時候的確喺有唔少優待,屋企有人煮飯俾你食,有時想食嘅野可以叫老公買,坐巴士、地鐵有人讓座俾你,同朋友/ 同事一齊都會就你行慢d,幫你護住個肚。   但事實上,對於一個孕媽媽嚟講,呢d其實都喺基本嘅需要。大部分嘅孕媽媽都有嘔吐或作嘔作悶嘅問題,少則三、四個月,長嘅可能嘔到生之前嗰日都仲嘔緊,有咩胃口食到野呀?連基本生活同返工其實都冇晒精神,唔想食野又點會想煮野食?而且好多以前鍾意食嘅野都要忍口,麻辣米線、生冷野 (雪糕、壽司)唔食得,汽水、茶類、咖啡又唔飲得,到嘔吐情況有少少改善嘅時候 (一般懷孕4-6個月叫做懷孕蜜月期),可以食返d想食嘅野都唔算過份呀。   而肚裡面個BB一日一日咁大,由最初只喺重得幾磅去到懷孕後期重25-35磅 (喺產前病房時聽過有媽媽重60-70磅都有),對腳出現水腫,身體嘅重量令你企一陣都好攰,搭交通工具人哋睇到你一臉辛苦個樣都爭住讓座俾你。 最後,到你好辛苦痛咗好多個鐘,流咗好多血,加埋順產或剖腹傷口嘅痛,終於生咗個BB出嚟喇,以為可以好好訓一覺啦。點知喺頭一兩個鐘內護士就會即刻抱個BB俾你餵奶 (因為餵人奶要把握開頭嘅黃金一小時,等身體收到訊息,繼續造更多奶水,又可以早d俾到抗體bb),基本上個人都仲未在狀態。但由呢一刻開始,艱辛嘅媽媽生活就已經正式開始,你要貼身照顧個BB,練習餵奶嘅姿勢同方法,BB亦未必吸啜得好好,務求俾佢飲到奶,就算係奶樽都唔係咁容易餵,因為BB飲得好慢,過程中身水身汗,跟住隔2個鐘就要餵一次奶、換片同掃風....一日loop 10-12次.......咁出院之後嘅生活呢?   生完之後身體受創,身體基本上都未有得休息,但已經要正式投入湊B生活。所謂嘅坐月同產假,你估真喺俾你休息同復元咩?其實喺用嚟全天候、無間斷、不眠不休咁照顧個BB,每日都係喺佢瞓著嗰時偷少少時間休息一下,但都唔敢瞓著,因為佢隨時會喊醒,你又驚佢有冇俾野遮住口鼻,有冇呼吸......   好唔容易當你適應咗照顧BB之後,在職媽媽嘅產假亦都告一段落,又要適應同寶寶分離之苦同復工嘅安排。但喺奶媽嘅生活仍然唔會停止,如果仲喺餵到人奶,返工每日最少都要泵兩次奶,而且返工前、放工後、凌晨時份都要埋身餵BB,喺呢種非人嘅生活底下,有d人可能仲會覺得你要同時做埋洗衫煮飯各樣家務,因為你唔喺大肚已經冇咩需要特別照顧,令到媽媽難以接受。   其實,媽媽產後已經冇一日可以好好休息過,半夜又冇覺好瞓,仲承受住各方面嘅壓力,令到情緒低落。喺媽媽產後嗰幾個月,如果身邊嘅人能夠好好體諒同支持,相信一定可以幫助媽媽度過呢個難關。