副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

"BABYLAU育成日記" 澄大帝100DAYS小派對

唔覺唔覺 BABYLAU 100 DAYS了 諗番起岩岩生BABYLAU都好似係冇幾耐之前既事 所以...... BB真係大得好快呀! 真係有時唔捨得佢大得太快 好想一直抱住佢 (媽媽總覺得抱不夠) 但因為疫情關係 我地都唔敢帶BB出去擺百日宴 換言之 簡簡單單的在家舉行左兩日小派對 1日係澄澄的契爺契媽們 另1日就係最重要既親人出席 其他親朋好友留待情況好轉時再帶BB出去見面 雖然只係簡單係屋企搞小派對 但都想留下一個美好回憶 大家食得開心都能盡興 我都訂左蛋糕 回禮小餅乾 到會 小氣球PROPS 同簡簡單單佈置左一下 因為我簡左MIFFY做澄澄既BUDDY :) 所以蛋糕同小餅乾都有MIFFY出現!! 媽媽真係好心心眼!! 事不宜遲 即刻分享下先 ---> 1. 100 DAYS 蛋糕 @ SEASAME HANDMADE 芝麻工房 芝麻工房係朋友介紹 分別都有兩位媽媽訂過都讚口不絕 除左蛋糕精美 最重要睇得又好味 的確 有D蛋糕外表好靚 但味道真係..... 強差人意 但今次既蛋糕味道真係唔錯 我地簡左伯爵茶味蛋糕配荔枝紅莓玫瑰忌廉 茶味出 CREAM都好好食 最重要唔係死甜 我老公出名怕甜都對蛋糕有高度評價 *V*  CAKE SIZE 6"x4", 3-3.5磅,可以供8-16人食用 PS. ***一般最少30天前預訂,急單視乎檔期*** 我原先都想係同一間訂埋小餅乾 但佢FULL唒期了 >///< 唯有下次再訂!! 2. 回禮小餅乾 @ Sweets J'vy 之前睇FACEBOOK時留意到呢間小店 餅乾好精美而且都有整百日宴曲奇 於是就係呢度訂澄澄既回禮小餅乾 當然媽媽最想可以有MIFFY出現 *3* 而店主都好好 二話不說話嘗試畫下結果出黎效果好得意好靚!! MIFFY之外仲訂埋口水肩同奶樽款既曲奇 其實係交收既時候已經覺得好香好香 真係又靚又吸引 親戚同老公既同事都話餅乾好食 評價極高 :) 店主都同我分享佢整曲奇既過程 有影底相HAPPY SHARE比我 好開心呀!!! 3. 小氣球PROPS @ article.flower  其實都係睇IG時突然見到呢間小店 覺得佢整既氣球MIX埋花好靚 LOOK LOOK下見到一個手揸氣球好好睇 就諗住訂一個比澄澄搞PARTY時拎住當PROPS影相用 =) ---- 媽媽錢係真係好易賺 講真 我都多麼希望我生日個時收到佢地既作品 (老公你睇唔睇到呀XD) 4. 派對到會 @ Pantry Foodies Limited 呢間到會我地已經食過好多次!! 冇錯, 係好多次!! 結婚係第一次食, 好好食! 攝影師, 親戚, 兄弟姊妹讚不絕口! 之後總之一人多開PARTY又唔想煮飯 / 落街買外賣, 就一定係叫佢 最重要既係每次叫到會總會有D新菜式出現 又可以嘗試下新野 水準仲一直都KEEP得好好 所以已經成為左我地開派對必ORDER到會既唯一選擇 HAHAHAHAHA 雖然只係在家搞個小派對 但都希望可以為自己同澄澄留下一個美好回憶  等佢大個左睇番D相 原來自己100日時爸爸媽媽為佢搞左個小派對慶祝!! <<澄澄 希望你開開心心 健康快樂咁成長 PAPA MAMA LOVE U 4EVER !!>>