大家都可能對坡士b妹有啲陌生，今日就等我同佢做一個專訪啦～（大家不妨試下問卷調查下你地小朋友，之前我同佢做過daddy mommy questionnaire ，好鬼正d答案） Favourite Colour：Pink Favourite Disney Princess：Belle （好的，elsa係queenXD 佢又無錯） Favourite Music：Let it go Favourite Toy：Bathroom toy Favourite Food：Teriyaki Chicken（應該係今日學校餐晏仔食既XD） Favourite Ice-cream Flavour ：Strawberry Best friend：Ava 坡士b妹係一個好mommy girl 既女仔，痴住媽媽就會咩都得、好安心。 但慢慢大咗b媽我一嬲時，就會一支箭咁揾爸b，好醒XD 呢d時候識揾爸b。 今年年頭坡士b妹開始返childcare，星期一至五 0815-1245，我比佢返學時間較為preschool d。 大多人返childcare係會由0800返到1700或1900咁。 佢一開始返學都有唔慣，平時b媽我一手照顧佢大，換衫換片嗰d佢最唔習慣。 一開始亦唔太鍾意喺其他人面前講嘢（屋企就開籠雀咁），要觀察一段時間，慢熱慢熱咁先至開始敞開心胸。 雖然佢慢熱，但係佢適應力都好強嘅，比好短時間佢佢就可以適應唔同嘅環境。 一開始返學喊咗個幾星期，一個月到就完全適應到每日返學既生活。 到circuit breaker 後返返學，佢都好正常咁就繼續返去生活，仲比之前返學狀態更好，老師仲比playgroup star佢。 （題外話：新加坡好興childcare嘅，佢哋好似六個月大開始就有得送返infant care嘅，價錢比較貴。 所以好多家長都係佢哋18個月嘅時候，就送返學繼續返工，新加坡政府對 childcare既資助$$ 亦非常好） 唉，話說坡士b妹平日返學早上0745起身，宜家連週末都唔放過我地=3=。 午睡亦由3小時內，減到1個半鐘至2個鐘。 佢係一個高需求寶寶，由bb起就唔係一個good sleeper，成日好似有mommy radar咁，媽媽一行開就好易醒。 但由2歲半起正式同我地分床訓喺我地隔離床，到3歲後我又推開咗佢張床仔少少，佢亦好樂意，可以自己上落床，覺得好big girl咁。 （同埋我真係認真覺得，最好唔好同BB同床。 因為一黎易發生意外，大左啲嘅時候我就發現大人嘅睡眠習慣、鼻寒、訓時既郁動，都好影響小朋友嘅睡眠質素。 分咗床後，瞓覺嘅質素明顯好咗。 ） 雖說小朋友既性格會不斷改變，但係已經睇得出坡士b妹骨子裏係非常girly既女仔，好愛跳舞，同扮靚扮公主，絕對係爸爸既小公主。 佢自己亦都係一個好堅毅嘅人，做唔到一樣野就會不停咁鑽研都做到為止，唔易放棄嘅。 所以有時做唔到一樣野，佢就會好炆憎create huge drama，我諗係好正常trouble three 個性。 呀！漏咗最重要係佢係一名大吃貨。 今日分享住佢咁多先啦=P ---------------------------------------------------- Facebook: SINGAPORE.BABYDIARY INSTAGRAM: SINGAPORE.BABYDIARY